NIA Karegi Mareens Maamale Ki Jaanch

India » Monday, April 1, 2013

vishesh samvaadadaata. . Nai Delhi bhaarateeya machhuaaron ki hatya ke aaropi do itailiyn mareens se jude maamale ki jaanch naishanal investigeshan agency (NIA) ko saunpi gayi hai. Yah faisala Supreme court dvaara is maamale mein ki gayi tippani ke sandarbh mein kiya gaya hai. Pichhle saal Kerala tat ke najadeek Italy ke jahaaj par savaar do mareens maisimiliaano laator aur salvaator giron ne do bhaarateeya machhuaaron ki goli maar kar hatya kar di thi. Maamala filhaal Supreme court mein hain. Gruh mantraalaya ke sootron ke mutaabik, NIA jaanch ke baad Supreme court ki salaah par sarkaar dvaara gathit special court ya fir NIA ki special court mein hi apni chargesheet daayar karegi. Yah bhi sambhaavana hai ki is maamale ki sunavaai NIA ki special court mein hi ho. Supreme court ke tippani par kadam Supreme court ne kaha tha ki mareens par mukadama chalaana Kerala sarkaar ke adhikaar kshetr mein naheen aata hai. Court ne 18 January ko nirdesh diya ki machhuaaron ki hatya ke aaropi mareens ko Delhi traansafar kiya jaae. Iske alaava, kendra sarkaar dvaara is maamale ki sunavaai ke liye vishesh adaalat gathit kiye jaane tak unhein Supreme court ki nigraani mein rakha jaae. Supreme court ne yah bhi kaha tha ki goleebaari ki ghatna aise ilaake mein hui hai, jiske tahat Bhaarat apne desh mein laagoo aaparaadhik nyaaya pranaali ke tahat Italy ke mareens par mukadama chala sakta hai. Kendra sarkaar ko yah kaam Supreme court ki salaah ke baad gathit special court mein karna chaahiye. Ho chuka hai kaafi vivaad Italy ke in donon mareens ko lekar pichhle dinon kaafi vivaad huaa tha. Ye donon Supreme court se ijaajat lekar svadesh gaye the, lekin baad mein Italy ki sarkaar ne inhein mukadame ka saamana karne ke liye Bhaarat bhejane se inkaar kar diya tha. Is par bhaari vivaad huaa tha. Aakhir mein Bhaarat ke sakht rukh ke kaaran in donon ko vaapas Bhaarat bheja gaya tha.