Myoochual Fund Mein Investameint Ka Naya Rekaurd

Business » Saturday, April 20, 2013

nai Delhi. . Myoochual fands mein invest kiye gaye paise ke hisaab se 2012-13 ke pehle 11 maheene jabaradast safal rahe hain. Is dauraan fund haauson ne kul milaakar net 1.85 lakh karod ki rekaurd poonji haasil ki hai. April 2012 se February 2013 ke dauraan haasil ki gayi poonji kisi ek financial iyar mein sabse jyaada hai. Is dauraan kareeb 70,000 karod rupae ka net aautaflo raha hai. Abhi tak March 2013 ke aankade SEBI ne jaari naheen kiye hain. Fiscal iyar 2012-13 ke pehle 11 maheene mein 1.85 lakh karod rupae ke net inaflo ke saath myoochual fund industry ne kisi poore financial iyar mein kul fund atraikt karne ka bhi rekaurd banaaya hai. Pichhla rekaurd 2007-08 mein bana tha, jab poore saal mein 1.54 lakh karod ka net inaflo haasil huaa tha. Graus leval par myoochual fands ne 2012-13 ke 11 maheene mein 65.97 lakh karod rupae se jyaada ki poonji haasil ki. Ismein se 64.13 lakh karod rupae ka aautaflo raha. Is tarah se net inaflo 1.85 lakh karod rupae raha. Myoochual fands ke haath I is poonji ka ek bada hissa private sector ke paas gaya hai. In fands ko 1.52 lakh karod rupae ka net inaflo mila hai. Vaheen, pablik sector ke haath 17,938 karod rupae ki poonji lagi hai. Haalaanki, 2011-12 mein 22,000 karod rupae ka net aautaflo huaa tha, jabki 2010-11 mein myoochual fands ke haath se 49,000 karod rupae se jyaada ki poonji nikal gayi thi. Myoochual fands investors se milne waali poonji ko milaakar use tay niyamon ke aadhaar par alag-alag instroomeints mein lagaate hain. Myoochual fands ke paas net inaflo ki vajah sarkaar ke uthaae jaane vaale rifaurms ke kadamon aur SEBI ke upaayon ko bataaya ja raha hai. Fund haauson ke paas net inaflo ke taur par I jabaradast poonji se myoochual fands ka eset under management bhi February 2013 ke ant mein badhkar 8.13 lakh karod rupae par pahunch gaya tha. Pichhle fiscal mein FII ne 1.4 lakh karod rupae ka rekaurd investameint kiya tha. Isse BSE ke benchmark Sensex 8 feesadi oopar chadha tha. Haalaanki, myoochual fands ne 2012-13 ke pehle 11 maheene mein 21,000 karod rupae se jyaada ke sheyaron ki bikvaali bhi ki hai. MF ne is dauraan det market par jyaada bharosa dikhaaya hai. Fund haauson ne is dauraan det market mein 4.05 lakh karod rupae ka investameint kiya hai. February ke ant mein myoochual fands ki kul 1,222 skeemein chal rahi theen. Ismein se 793 skeemein inakam/det aadhaarit theen, jabki 342 growth/ikviti se sambandhit theen.