Myaanmaar Ki Sena Ne Gaanvon Par Barasaae Bam, Roki Sahaayata Emanesti

World »

Myaanmaar Ki Sena Ne Gaanvon Par Barasaae Bam, Roki Sahaayata Emanesti

Yangoon Emanesti intaranaishanal ne somvaar ko kaha ki myaanmaar sena ne sankatagrast rakhaain raajya mein vidrohiyon ko nishaana banaakar ki gayi kaarravaai ke beech gaanvon par bam barasaae hain. Sena ne naagrikon ko bhojan va maanaveeya sahaayata baadhit kar di hai. Samaachaar agency efe ke mutaabik, gair laabhakaari sanstha ne apni haaliya report mein kaha hai ki chaar January ko shuroo hui veebhats kaarravaai ke hisse ke roop mein sainikon ne naagrikon ko hiraasat mein lene ke liye aspasht aur damanakaari kaanoonon ka bhi istemaal kiya. Araakan sena vidrohiyon dvaara police thaanon va 13 adhikaariyon ko maar daalne ke baad sena ne kaarravaai shuroo ki thi. Sanyukt raashtra ke mutaabik, vidrohiyon ko jad se mitaane ke liye sena dvaara abhiyaan shuroo karne ke baad kam se kam 5,200 log ladaai se visthaapit hue hain. Sarkaar ne in vidrohiyon ko aatanki karaar diya hai. Emanesti international ki kraaisis rispauns ki nideshak triraana hasan ne kaha, 'Yeh naya abhiyaan ek aur chetaavani hai ki myaanmaar sena ko maanavaadhikaaron ki koi paravaah naheen hai. Gaanvon par bamabaari aur kisi bhi sthiti mein khaadya aapoorti ko rokana anuchit hai. ' Hasan ne myaanmaar prashaasan par naagrikon ki jindagiyon aur aajeevika ke saath jaanboojhkar khelne ka aarop lagaaya. Maanavaadhikaar samooh ke mutaabik, adhikaariyon ne red kraus aur sanyukt raashtra ke vishv khaadya kaaryakram ko chhodakar antarraashtreeya agencyon dvaara paanch jilon ke liye bheji jaani waali maanaveeya sahaayata ke pravesh par rok laga di hai. In paanch jilon mein abhi bhi sangharsh jaari hai. Ek pratyakshadarshi ne emanesti ko bataaya ki sena ne chaaval jaisi jaroorati cheej ki bikri va khareed par bhi rok laga di hai. Emanesti ne kaha ki kam se kam 26 logon ko araakan sena ke saath avaidh roop se jude hone ke liye giraftaar kiya gaya hai. Is jurm ke liye kathor kaaraavaas ki saja hai.

Myaanmaar Ki Sena Ne Gaanvon Par Barasaae Bam, Roki Sahaayata Emanesti https://www.angrejinews.com/pic/254073