Myaanmaar Ke Teen Aur Shaharon Mein Faila Danga

World »

Myaanmaar Ke Teen Aur Shaharon Mein Faila Danga

PTI. Yangoon : Bauddh-musalmaanon ke beech danga aur bhi ilaakon mein pahunch gaya hai. Myaanmaar ke teen shaharon mein dangaaiyon ne kai masjidon va gharon ko aag ke havaale kar diya. Dangon ko rokane ki saari sarkaari koshishein fail ho gayi hain. Raashtrapati ne pichhle shukravaar ko imarajeinsi ghoshit kar di thi lekin usaka koi asar naheen pada. Mekhithla taaun mein 32 log maare gaye aur 10,000 gharon ko barbaad kar diya gaya. Khabaron ke mutaabik ismein jyaadaatar myaanmaar muslimon ke makaan the. Dangon se neipaaita, yaamethin aur taatakone shahar bhi prabhaavit hue hain. Myaanmaar ke uttari mandaale kshetr ke mekhatila mein 20-22 March ko hue dange ke silsile mein 18 logon ko giraftaar kar liya gaya hai, jabki 10 anya sandigdhon ki khoj ki ja rahi hai. Myaanmaar ke soochana mantraalaya ka kehna hai ki dangaaiyon se nipatne ke liye ilaake mein bhaari sankhya mein suraksha balon ki tainaati ki gayi hai. Danga prabhaaviton ko sahaayata muhaiya karaane ke liye chhah raahat kendra bhi banaae gaye hain

Myaanmaar Ke Teen Aur Shaharon Mein Faila Danga https://www.angrejinews.com/pic/3459