Myaanmaar Ke 62 Rifyoojiyon Ki Maut

World »

Myaanmaar Ke 62 Rifyoojiyon Ki Maut

Bainkaak . . Thailand mein ek shivir mein aag lagne se kam se kam 62 myaanmaar sharanaarthiyon ki maut ho gayi aur 200 se jyaada ghaayal ho gaye. Adhikaariyon ko dar hai ki marne vaalon ki sankhya mein ijaafa ho sakta hai. Me hong son baan praant ke me surin rifyooji camp mein aag lagne se pehle 30 logon ke marne ki soochana thi. Ek svaasthya adhikaari ne bataaya ki jale hue shiviron mein 32 aur shav mile hain. Mrutakon ki sankhya badhne ki aashanka hai. Jyaadaatar logon ki maut dam ghutne se hui hai aur 200 se jyaada log ghaayal hue hain. Is shivir mein kareeb 3,300 myaanmaar sharanaarthi, vishesh taur par alpasankhyak samudaaya kaaren ke log yahaan rahate hain. Aag bhojan pakaane ke dauraan lagi thi. Jab tak aag par kaaboo paaya jaata, kareeb 100 jhopadiyaan jal gayi theen. Media ne raashtreeya khufiya vibhaag ke varishth adhikaari ke havaale se kaha hai ki marne vaalon mein jyaadaatar mahilaaen, bachche aur bujurg hain. Sena ka niyantran: Udhar myaanmaar se mili khabaron mein kaha gaya hai ki bauddhon aur muslimon ke beech hue sangharsh vaale ilaakon mein sena gasht kar rahi hai aur vahaan tanaavapoorn shaanti bani hui hai. Mekithila taaun mein aaj sena kuchh saarvajanik sthalon par pojishn lete hue dikhaai di. Myaanmaar ke raashtrapati ne in dangon ke baad kal imarajeinsi lagaane ki ghoshana ki thi

Myaanmaar Ke 62 Rifyoojiyon Ki Maut https://www.angrejinews.com/pic/3533