Myaanmaar Dangon Mein 20 Mare, Imarajeinsi Lagi

World »

Myaanmaar Dangon Mein 20 Mare, Imarajeinsi Lagi

Mekathila . . Myaanmaar mein bauddh aur muslimon ke beech pichhle do dinon se jaari dangon mein 20 logon ki maut ho chuki hai. Adhikaariyon ka kehna hai ki central myaanmaar ke mekathila shahar mein dange bhadke hain aur vahaan ke nivaasiyon mein jabardast dar hai. Ve baahar nikalne se bhi parahej kar rahe hain. Desh ki vipakshi party naishanal league for demokresi ke ek saansad ne bataaya ki filhaal dangon ki taaja vaaradaat naheen hui hai. Lekin maahaul tanaavapoorn aur khatarnaak hai. Abhi tak ki hinsa mein paanch se jyaada masjidein jalaai ja chuki hain. Hinsa ki vaaradaat tab shuroo hui jab ek muslim sunaar aur ek bauddh graahak ke beech tanaatani ho gayi. Iske baad bauddh logon ne ek muslim ilaake mein hinsa ko anjaam diya. Imarajeinsi lagaai gayi : Dangon mein 20 logon ki maut ke baad mekathila mein shukravaar ko imarajeinsi laga di gayi. Ab haalaat par kaaboo paane ke liye sena ki madad li jaaegi. Hinsak vaaradaaton ke baad adhikaari sthiti ko niyantrit karne aur maahaul ko tanaavamukt karne ki koshishon mein lage hue hain

Myaanmaar Dangon Mein 20 Mare, Imarajeinsi Lagi https://www.angrejinews.com/pic/3536