Myaamaan Ki Adaalat Ne Rauyatars Patrakaaron Ki Appeal Khaarij Ki

World »

Myaamaan Ki Adaalat Ne Rauyatars Patrakaaron Ki Appeal Khaarij Ki

Yaangoon, 11 January (epi) myaamaan ki ek adaalat ne jail mein band rauyatars ke do patrakaaron ki appeal ko shukravaar ko khaarij karte hue unki saat saal ki saja ko barkaraar rakha. desh ke sarkaari gopaneeyata kaanoon ke ullanghan ke aarop mein unhein pichhle saal doshi thaharaaya gaya tha. nyaayaadheesh ong naing ne kaha ki va loan aur kyau soi O ke vakeel unhein nirdosh saabit karne ke liye paryaapt saakshya naheen pesh kar sake. in donon ko unke paas se sarkaari dastaavej baraamad hone par giraftaar kiya gaya tha. Inhein desh ke mukhya shahar yaangoon se 12 December, 2017 ko giraftaar kiya gaya tha. Isse theek pehle unhonne police adhikaariyon ke saath bhojan kiya tha. Bhojan par unhein police ki hi taraf se aamantrit kiya gaya tha. donon patrakaaron evam unke samarthakon ka kehna hai ki myaamaan ke rakhaain praant mein alpasankhyak rohingya musalmaanon par suraksha balon ki nrushans kaarravaai par reporting ko lekar adhikaari unase naaraaj the jiske chalte police ne unhein fansaaya. epi neha vaibhavavaibhav.

Myaamaan Ki Adaalat Ne Rauyatars Patrakaaron Ki Appeal Khaarij Ki https://www.angrejinews.com/pic/247094