Mushkil Mein 'Amool Girl', Vijnyaaapanon Ke Khilaaf Congress Pahunchi Adaalat

Breaking »

Mushkil Mein 'Amool Girl', Vijnyaaapanon Ke Khilaaf Congress Pahunchi Adaalat

Indore: Amool ke 18 vyangyapoorn vijnyaaapanon ko Congress virodhi raajaneeti se prerit bataate hue dugdh kshetr ki is diggaj company ke khilaaf adaalat mein ek Congress neta ki or se shikaayat arji daayar ki gayi. Madhya Pradesh ki Congress ikaai ke pravakta Narendra salooja ne pratham shreni nyaayik magistrate opi vohara ke saamane bhaarateeya dand vidhaan (IPC) ki dhaara 500 (maanahaani) aur dhaara 504 (saarvajanik shaanti bhang karne ki neeyat se jaanboojhkar apamaan karna) ke tahat yah arji daayar ki. Pradesh Congress pravakta ke vakeel shaileindr Dwivedi ne bataaya ki adaalat ne shikaayatakarta ka bayaan darj karne ke liye 11 March ki taareekh tay ki hai. Dwivedi ne kaha, 'Mere muvakkil ko amool ke un 18 vijnyaaapanon par sakht aapatti hai jinmein Congress aur is party ke aala netaaon par apamaanajanak vyangya karte hue unka bhadda majaak udaaya gaya hai, jabki Gujarat ke mukhyamantri Narendra Modi aur doosare bhaajapa netaaon ki ek tarah se taareef ki gayi hai. ' unhonne bataaya ki salooja ne apni shikaayat arji mein amool ke in kaartoon aadhaarit vijnyaaapanon ko Congress virodhi raajaneeti se prerit karaar diya hai. Iske saath hi, adaalat se guhaar ki hai ki in vijnyaaapanon ke prakaashan ke liye amool ke prabandhan se judi Gujarat ko-oparetiv milk maarketing federation ke adhyaksh vipul chaudhari aur is sahakaari sanstha ke prabandh nideshak (emadi) RS sodhi ke khilaaf sambaddh dhaaraaon mein mukadama chalaaya jaae.

Mushkil Mein 'Amool Girl', Vijnyaaapanon Ke Khilaaf Congress Pahunchi Adaalat https://www.angrejinews.com/pic/2589