Musharraf Ko Fir Raahat, Agrim Jamaanat 6 Din Badhi

World »

Musharraf Ko Fir Raahat, Agrim Jamaanat 6 Din Badhi

Islamabad. . Pakistan ke court ne poorv raashtrapati Parvez musharraf ki agrim jamaanat ko shukravaar ko chhah din ke liye badha diya. Musharraf ne 2007 ke dauraan aapaatakaal lagaae jaane ke baad darjanon judgeon ko ghar mein najaraband kiye jaane ko lekar unke khilaaf darj maamale mein Islamabad haai court mein jamaanat ki avadhi badhaae jaane ki appeal ki thi. Justice shaukat ajeej Siddiqui ne musharraf ke vakeel ke tarkon ko sunane ke baad unki agrim jamaanat avadhi ko 18 April tak ke liye badha diya. Buletaproof jacket pahane court mein haajir hue 69 varsheeya musharraf ko judge ne muchalake ke taur par paanch lakh rupaye jama karaane ka nirdesh diya. Judge ne kaha ki musharraf ko apni jamaanat avadhi badhvaane ke liye session court mein jaana chaahiye tha. Is par musharraf ke vakeel ne kaha ki vah suraksha kaaranon ke chalte haai court mein aae hain. Musharraf aadhe ghante se adhik samay ki deri se court pahunche aur unke vakeel ne suraksha kaaranon ko iske liye jimmedaar bataaya.

Musharraf Ko Fir Raahat, Agrim Jamaanat 6 Din Badhi https://www.angrejinews.com/pic/5372