Musharraf Ka Raajaneetik Safar Khatm Huaa

World »

Musharraf Ka Raajaneetik Safar Khatm Huaa

PTI . Islamabad Parvez musharraf ka sapana chakanaachoor ho gaya hai. Pakistan ke ek court ne unke raajaneetik career par viraam laga diya hai. Court ne chunaav ladne aur satta mein vaapasi ka khvaab dekhkar Pak laute musharraf ke poori jindagi chunaav ladne par rok laga di hai. 2007 mein desh mein imarajeinsi ke dauraan judgeon ko hiraasat mein rakhane aur do baar samvidhaan ka ullanghan karne ke aarop mein unke khilaaf yah faisala diya gaya hai. Peshaavar haai court ne is faisale ke saath musharraf ki ek arji bhi khaarij kar di. Arji mein unhonne 11 May ko hone vaale aam chunaav ke liye naamaankan patra ko naamanjoor kiye jaane sambandhi aadesh ko chunauti di thi. Court ne kaha ki poori jindagi ban isliye lagaaya gaya hai kyonki musharraf ne do baar samvidhaan ko nirast kiya aur 2007 mein imarajeinsi ke dauraan judgeon ko hiraasat mein liya. Court ne kaha ki musharraf ko raashtreeya, praanteeya aur senet ke chunaav ladne se pratibandhit kiya jaata hai. Musharraf ke ek vakeel ne kaha ki vah is faisale ko Supreme court mein chunauti deinge. Judishl custody mein bheje gaye : Pak ke ek anti terarijm court ne mangalvaar ko musharraf ko 14 dinon ki judishl custody mein bhej diya. Desh ki poorv pradhaanamantri benajeer bhutto hatyaakaand maamale mein yah faisala kiya gaya. Haalaanki, court ne musharraf ko bhale hi judishl custody mein bheja hai, lekin vah Islamabad ke baahari ilaake sthit apne farmhouse mein hi raheinge. Unke is farmhouse ko sab jail ghoshit kiya ja chuka hai.

Musharraf Ka Raajaneetik Safar Khatm Huaa https://www.angrejinews.com/pic/7296