Murder Ke Aarop Mein Saakshi Mahaaraaj Ka Bhaai Giraftaar

India »

Murder Ke Aarop Mein Saakshi Mahaaraaj Ka Bhaai Giraftaar

eta. . Eta jile mein haal mein hue charchit sujaata varma hatyaakaand mein poorv BJP saansad saakshi mahaaraaj ke bhaai ko shanivaar ko giraftaar kar liya gaya. Police sootron ke anusaar 15 April ko hue sujaata varma hatyaakaand mein shahar kotavaali police ne saakshi mahaaraaj ke bhaai vijay svaroop ko Agra se giraftaar kiya hai. Gaurtalab hai ki sujaata ki 15 April ko shikohaabaad maarg par sthit saakshi mahaaraaj ke aashram se nikalte samay goli maarkar hatya kar di gayi thi. Katl ke chashmadeed gavaah anil Yadav ne saakshi mahaaraaj ke bhaaiyon vijay aur Ram svaroop par hatya ka iljaam lagaaya tha. Is maamale mein saakshi mahaaraaj aur unke donon bhaaiyon samet 4 logon ke khilaaf mukadama darj kiya gaya. Sujaata pehle saakshi mahaaraaj ke college mein principle thi, lekin kuchh saal pehle donon ke beech vivaad ke chalte aapasi rishton mein talkhi aa gayi thi.

Murder Ke Aarop Mein Saakshi Mahaaraaj Ka Bhaai Giraftaar https://www.angrejinews.com/pic/6246