Muraadaabaad Mein Ped Se Lataka Mila Ladki Ka Shav, Hameerapur Mein Police Thaane Mein Mahila Ke Saath Kathit Rape

Breaking »

Muraadaabaad Mein Ped Se Lataka Mila Ladki Ka Shav, Hameerapur Mein Police Thaane Mein Mahila Ke Saath Kathit Rape

Kaalpanik chitr Kaalpanik chitr Muraadaabaad / hameerapur / baharaaich: uttar pradesh mein mahilaaon ke saath barbar aparaadhon ka silsila thamane ka naam naheen le raha hai. Muraadaabaad jile ke thajuradvaara thaana kshetr mein 11veen kaksha ki ek chhaatra ka shav ped se lataka mila. 16-varsheeya yeh ladki mangalvaar raat se laapata bataai ja rahi thi. Aashanka jataai ja rahi hai ki balaatkaar ke baad ladki ki hatya kar shav ko ped se lataka diya gaya. udhar, hameerapur jile mein 35-varsheeya ek mahila se thaane mein police adhikaari dvaara kathit taur par balaatkaar karne ka maamala saamane aaya hai. yeh ghatna somvaar raat ki hai, jab mahila apne pati ko chhudaane ke liye sumerapur police thaane gayi thi. Mahila ke pati ko police ne desi katte ke saath pakada tha. Policewaalon ne mahila se kathit taur par rishvat ki maang ki, jise dene se usane inkaar kar diya. Iske baad esaechao Rahul paandeya ne uske saath kathit taur par balaatkaar kiya. hairaani ki baat yeh rahi ki duty par tainaat teen kaunstebalon ne esaechao ko aisi harkat karne se roka naheen. Esaechao ko giraftaar kar liya gaya hai, jabki teenon kaunstebalon ko duty se hata diya gaya hai. uttar pradesh mein haal ke dinon mein balaatkaar aur rape ki barbar ghatnaaon ki kadi mein yeh ek aur naya maamala hai. Uttar pradesh ki samaajavaadi party sarkaar raajya ki bigdti kaanoon-vyavastha ko lekar lagaataar aalochanaaon ka shikaar ban rahi hai. Badaayoon mein do chacheri bahanon ki kathit taur par saamoohik balaatkaar ke baad hatya kar unke shav ko ped par lataka diya gaya tha. Is maamale ki antararaashtreeya star par vyaapak ninda hui. udhar, baharaaich jile ke raaneepur kshetr mein mangalvaar ko ek mahila ki kathit roop se saamoohik dushkarm ke baad hatya karke shav ko ped par latakaae jaane ka maamala saamane aaya. Upper police adheekshak suneel Kumar Singh ne bataaya ki raaneepur thaana kshetr ke 45-varsheeya mahila somvaar ko apna ilaaj karaane ke liye Lucknow ravaana hui thi. Raaste mein hi uske bete ne use phone karke uske daadi banane ki soochana di aur ghar vaapas lautane ko kaha. Singh ne bataaya ki mahila ne baharaaich pahunchakar apne bete ko phone karke use le jaane ko kaha tha. Beta jab motorcycle lekar bas adde par pahuncha, to usaki maan use vahaan naheen mili aur usaka mobile phone bhi band mila. Unhonne bataaya ki mahila ka ardhanagn shav mangalvaar ko ek baag mein ek saadi ke fande se lataka mila. Uske guptaang se khoon bah raha tha. Paas mein hi usaka mobile phone aur chappal bhi padi thi. Singh ne bataaya ki aarop hai ki gaanv ke hi paanch logon ne usase saamoohik balaatkaar karke usaki hatya kar di aur shav ped se lataka diya. (input bhaasha se bhi)

Muraadaabaad Mein Ped Se Lataka Mila Ladki Ka Shav, Hameerapur Mein Police Thaane Mein Mahila Ke Saath Kathit Rape https://www.angrejinews.com/pic/53646