Munaafaavasooli Se Fisle Sensex-Nifty

Business »

Munaafaavasooli Se Fisle Sensex-Nifty

Kaarobaariyon aur niveshakon ki or se munaafaavasooli kiye jaane se bhaarateeya baajaaron mein Budhvaar ko giraavat dekhne ko mil rahi hai. Shuruaati kaarobaar mein BSE ka Sensex kareeb 47 ank kamjor ho gaya, jabki Nifty bhi 12.80 ank ki giraavat ke saath 7,262.70 ank par aa gaya. Isse pehle baajaaron mein flat opening dekhne ko mili jab Sensex 7 ank neeche 24,370 par aur Nifty 4 ank girkar 7,272 par khule. Dopahar 12 baje Sensex kareeb 58 ank neeche aakar 24319 par aur Nifty kareeb 13 ank ki giraavat ke saath ke 7262.55 ke leval par kaarobaar kar rahe the. Mangalvaar ko Sensex 13.83 ankon ki teji ke saath 24,376.88 par aur Nifty 11.95 ankon ki teji ke saath 7,275.50 par band hue the. Baajaar vishleshakon ne bataaya ki vaishvik baajaar mein kamjor rukh ke beech kaarobaariyon evam niveshakon ki or se tel aur gas, saarvajanik kshetr ke upakram, baiking kshetron ke sheyaron ki munaafaavasooli kiye jaane se soochakaank mein giraavat I hai. Kaipitl guds aur efaemaseeji sector mein bhi giraavat badh gayi hai. Kanjyoomar dyoorebals, metal aur realty sector mein power sector ke saath badhat dekhi ja rahi hai. Midcap aur smallcap sheyaron mein bhi shuruaati badhat kam ho gayi hai. Rupaya 13 paise kamajor: Aayaatakon ki or se dollar maang badhne se faureks market mein dollar ke mukaabale rupaya 13 paise kamjor hokar 58.76 rupaye prati dollar par aa gaya. Mangalvaar ko dollar ke mukaabale rupaya chaar paise kamjor hokar 58.63 rapaye prati dollar par band hua tha. Subah rupaya ameriki dollar ke mukaabale 7 paise neeche 58.70 par khula tha.

Munaafaavasooli Se Fisle Sensex-Nifty https://www.angrejinews.com/pic/51227