Mumkin Hai Olympic Mein Bhaarat Ki Vaapasi

Sports »

Mumkin Hai Olympic Mein Bhaarat Ki Vaapasi

Nai Delhi. . Bhaarateeya adhikaariyon aur antararaashtreeya olympic samiti ke beech lusaane mein Budhvaar ko hui aham sanyukt baithak mein olympic mein Bhaarat ki vaapasi ke liye khaaka taiyaar karne par saiddhaantik roop se sahamati ban gayi. Is baithak ko bhaarateeya khelon ke bhavishya ke liye kaafi aham maana ja raha tha. Olympic chaartar ka paalan karne mein naakaam rahane par pichhle saal chaar December ko Bhaarat par pratibandh lagaaya gaya tha. Ab is pratibandh hataane ke liye taiyaar khaake ke vistrut vivran aur ise poora karne ki samayaseema tay ki jaaegi. Pratinidhimandal mein shaamil bhaarateeya olympic sangh ke adhikaari ne kaha ki baithak kaafi achhi rahi aur ab aaioe, khel mantraalaya aur aaiosi adhikaariyon ki sanyukt baithak chal rahi hai jismein vistrut vivran taiyaar kiya jaaega. Aaioe ke sheersh adhikaari ne kaha, 'Ab tak baithak achhi aur faayademand rahi. Hamein is mudde ke jald samaadhaan ki ummeed hai. Olympic mein Bhaarat ki vaapasi ka khaaka taiyaar kiya ja raha hai. ' baithak mein khel mantri Jitendra Singh, khel sachiv PK deb, Beijing olympic ke svarn padak vijeta nishaanebaaj Abhinav bindra aur olympian boting khilaadi malav Shroff ne hissa liya. Aaioe ke pratinidhimandal mein bhaarateeya teerandaaji sangh ke upaadhyaksh taralochan Singh, bhaarateeya skvaish evam racket mahaasangh ke adhyaksh N raamachandan, kayaaking aur kainoing mahaasangh ke pramukh S regunaathan, hockey India ke mahaasachiv Narendra batra aur Jharkhand olympic sangh ke pramukh RK aanand shaamil hain. Is baithak se pehle haalaanki us samay ajeeb sthiti paida ho gayi thi jab aaioe ke kaaryavaahak adhyaksh VK malhotra aur Bhaarat mein aaiosi sadasya ranadheer Singh baithak se hat gaye the. Baithak ke liye aaioe ke pehle se hi ghoshit chaar sadasyeeya pratinidhimandal ke alaava batra aur aanand ko bhi baithak ke liye shaamil karne ki aaiosi ki sahamati ke baad in donon ne iska bahishkaar kiya tha. Asiaee olympic parishad (oseee) ne mangalvaar ko aaiosi se kaha tha ki vah nilambit aaioe ke adhikaariyon se baatcheet naheen kare aur baithak ko June ke madhya tak sthagit kar day lekin aaj ki baithak mein oseee ka pratinidhitv uske Asiaee khelon ke vibhaag ke nideshak haidar farmaan ne kiya. Din ki shurooaat aaioe pratinidhimandal ki aaiosi ke saath baithak ke saath hui jo dedh ghanta chali. Iske baad khel mantraalaya ke pratinidhimandal ne lagbhag ek ghante tak aaiosi ke saath baithak ki. In donon shurooaati baithakon ke baad ek sanyukt baithak hui jismein pratinidhiyon ne vivaadaaspad khel vidheyak aur aaioe samvidhaan mein sanshodhan par apna paksh rakha. Pata chala hai ki aaioe pratinidhimandal saiddhaantik taur par aayu aur kaaryakaal sambandhi sharton par raaji ho gaya hai aur vah olympic chaartar ke tahat kuchh sudhaaron ko laagoo karne ka bhi ichhuk hai. Adhikaari ne kaha, 'Hamaara lakshya pratibandh hataane ki prakriya shuroo karna hai aur ham kuchh had tak aage badhe hain. Ham ummeed karte hain ki pratibandh hata liya jaaega.

Mumkin Hai Olympic Mein Bhaarat Ki Vaapasi https://www.angrejinews.com/pic/8699