Mumbai Mein Miss Karti Hoon Janpath

Movies »

Mumbai Mein Miss Karti Hoon Janpath

upama Singh 'Tumhaari paakhi' ki paakhi apne hero aayushmaan ka ghar chhodkar Delhi mein tourist guide ban gayi hai. Isi silsile mein kabhi kutub meenaar, to kabhi laalakile par tourist ko ghumaati paakhi ka rol karne waali ektres shraddha aarya se Delhi shoot ke dauraan humne ki yeh khaas baatcheet: Delhi mein in dinon kaafi garmi hai. Aise mein Delhi mein shooting ka eksapeeriyens kaisa raha? Hamm, kaafi thakaan mahasoos ho rahi hai, kyonki neend poori naheen ho pai. Sunrise ka scene shoot karna tha, isliye subah bahut jaldi uthana pada. Baaki Delhi to Delhi hai. Main yahi pali-badhi hoon. Delhi ki history bahut rich hai. Aise mein historikl place ya monyoomeint par shoot karne ke liye Delhi se behtar jagah ho hi naheen sakti. Jaisa hi seeriyl ka track chal raha hai, paakhi Delhi aa gayi hai, vahaan tourist guide ka jaub kar rahi hai, to Delhi to aana hi tha. Hamaare liye lokeshan jyaada inpaurteint hoti hai, ham season naheen dekhte. 'Main lakshmi tere aangan ki' lakshmi ke baad 'Tumhaari paakhi' ki paakhi bhi kaafi intresting aur straung rol hai. Aap kaise silekt karti hain apne rol? Tumhaari paakhi mein to kaam story writer, camera vaalon ne mera saara kaam kar diya. Yeh sho bahut hi khoobsoorti se likha hai. Gaharaai ke maamale mein main paakhi ko kaheen bada kairektar hai mere liye. Yeh kairektar bahut real hai. Log isse rilet karte hain. Silekshan ho ya acting, main to sirf script follow karti hoon. Aapko lagta hai aaj ke daur mein koi ladki itne saalon tak apne bachapan ke pati ka intajaar karegi? Paakhi intajaar naheen kar rahi thi. Vah apne kaam mein biji thi. Use time naheen mila, apne liye sahi paartanar dhoondhane ka. Haalaanki, kisi ladki ki shaadi ho chuki hai, to vah yeh bhool naheen sakti ki kabhi usaki shaadi hui thi, fir vah chaahe kitni bhi modern kyon na ho! Aap Delhi se hain. Pehle aur ab ki Delhi mein kuchh badlaav dikhta hai? Delhi bahut badal gayi hai. Yahaan ka infraastakchar, rod, bilding, greenari, sab bahut badh gaya hai. Itne saare mall, highway tab naheen the. Ab Delhi aur bhi khoobsoorat ho gayi hai. Ek Mumbai mein rahane vaale ke hisaab se jab main Delhi ko dekhti hoon to mujhe hamesha aisa lagta hai jaise van room kichn apaartameint se ek bade se khuli jagah vaale vila mein aa gayi hoon. Delhi ke kuchh khaas eksapeeriyenses bhi honge. Kuchh miss karti hain Mumbai mein ? Jaisa mainne kaha , main yaheen janmeen hoon. Badhi hui hoon. Padhaai ki hai. Mera school - college yaheen tha. Mere sabse kareebi freinds bhi Delhi se hain. Isliye bahut kuchh yaad aata hai Delhi ka , masalan college ke liye bas pakadna. Chaanakyapuri mein momo khaana. Priya mein film dekhne jaana. Janpath - sarojaneenagar mein shauping karna. Janpath to main Mumbai mein bhi miss karti hoon. Aapne apna acting career Amitabh - revathi jaise actors ke saath film ni : Shabd se shuroo kiya tha. Kya big screen ka iraada chhod diya ? Abhi to mere paas time naheen hai. TV karne ke baad apne liye time nikaalna mushkil hota hai , baaki ki or dekhna bhi pausibl naheen hota. Baaki TV ne hi mujhe vo pehchaan di , jo film bhi naheen de pai. Mujhe naheen lagta aaj koi mujhe ni : Shabd ki ritu ke roop mein pahachaanata hoga , log mujhe tumhaari paakhi ki paakhi ke taur par hi pahachaanate hain. Isliye screen ke saaij se jyaada kairektar ka saaij maitar karta hai.

Mumbai Mein Miss Karti Hoon Janpath https://www.angrejinews.com/pic/51430