Mumbai Ko Haraakar Chennai Paanchaveen Baar IPL Final Mein

Cricket »

Mumbai Ko Haraakar Chennai Paanchaveen Baar IPL Final Mein

Nai Delhi. . Baaen haath ke do dhaakad ballebaajon Michael hasi aur suresh raina ke aakarshak half seinchureej ke baad Ravindra jadeja ki mushkil haalaat mein ki gayi chamatkaarik geindabaaji se chennai Superkings ne mangalvaar ko yahaan Mumbai Indians ko 48 run se haraakar paanchaveen baar IPL final mein jagah banaai. Hasi ne 58 geind par naabaad 86 run banaae jabki raina ne 42 geind par naabaad 82 run ki dhamaakedaar paari kheli. In donon ne doosare wicket ke liye 76 geindon par 140 run ki atoot saajhedaari ki aur team ka score ek wicket par 192 run par pahunchaakar kaptaan Mahendra Singh Dhoni ke toss jeetkar pehle batting ke faisale ko sahi thaharaaya. Dven smith (28 geind par 68 run) ki toofaani paari se Mumbai ki ummeedon ko pankh lag gaye the. Aathavein over tak score ek wicket par 86 run tha. Jadeja ne yaheen par apni balakhaati geindon ka jaadoo bikhera. Unhonne aur dven Bravo ne teen-teen wicket lekar Mumbai ko 18.4 over mein 144 run par dher kar diya. Dekhein match ka skorakaard Mumbai ki team ab bhi final mein jagah bana sakti hai lekin iske liye use 24 May ko doosare kvaulifaayar mein Budhvaar ko yahaan Rajasthan raayals aur sunrisers Hyderabad ke beech hone vaale eliminiter ke vijeta ko haraana hoga. Lagaataar chauthi baar final mein pahunchane vaale chennai ki jeet ki neenv hasi aur raina ne rakhi. In donon ne aakhiri das overon mein 123 run batokar Mumbai ke liye lakshya mushkil banaaya. Hasi ne apni paari mein das chauke aur do chhakke jabki raina ne paanch chauke aur itne hi chhakke lagaaye. Mumbai ke pramukh baitsamain hi naheen bowlers bhi naheen chal paaye. Michelle Johnson (chaar over mein 40 run) aur lasith malinga (chaar over mein 45 run) ki hasi aur raina ke saamane ek naheen chali. Mumbai ne chotil sachin Tendulkar ki jagah khelne vaale aaditya taare (7) ka wicket doosare over mein hi ganva diya. Doosare salaami ballebaaj smith ne apni bhoomika achhi tarah se nibhaai. Unhonne pehle do overon mein kifaayati geindabaaji karne vaale mohit sharma (32 run dekar do wicket) ke teesare over mein lagaataar geindon par laung on aur mid-wicket par chhakke jamaae. Unhonne Morkel ke over mein bhi teen chauke lagaae. Dhoni ne mohit ki jagah kris mauris ko geind saunpi, smith ne un par baikafut par jaakar pul aur frant fut par aakar drive se do khoobsoorat chhakke lagaakar keval 21 geindon par half century poori kar di. Yah IPL chhah ki teesari sabse tej half century hai. Dhoni ko aar. Ashwin par bharosa tha lekin smith ne unki geind half waali par lekar chhah run liye pahunchaayi. Jadeja ne haalaanki apna jaadoo dikhaane mein der naheen lagaayi. Smith ko unki geind aage badhkar khelna unhein mahanga pada jo balle ka kinaara lekar backward point par aasaan catch mein badal gayi. Smith ne apni paari mein chhah chauke aur paanch chhakke lagaaye. Unhonne doosare wicket ke liye 75 run ki saajhedaari ki jismein dinesh kaartik (11) ka yogadaan nau run tha. Jadeja ne apne agale over mein kaartik ko LBW karke chennai ko vaapasi dilaai. Kaptaan rohit sharma (8) ne dven Bravo ko catch ka abhyaas karaaya. Is tarah se 14 run ke andar teen wicket ganvaane se Mumbai bhanvar mein fans gayi. Keeron Pollard (24) ne jadeja par lagaataar do chhakke jadkar Mumbai ke prashansakon mein josh bhara lekin aakhir mein geindabaaj ko jashn manaane ka mauka mila. Hasi ne Pollard ke aniyantrit shot ko catch mein badal diya. Bravo ne Mumbai ke puchhalle ballebaajon ko sametane mein der naheen lagaai. Unke saamane Harbhajan Singh aur Johnson bhi adhik der tak naheen tik paaye. Hasi ne Johnson ki pehli geind ko mid-wicket par chaar run ke liye bhejkar shuruaat ki jiske baad murali vijay (23) ne munaaf Patel ke over mein do chaukon ki madad se 12 run batore. Harbhajan Singh ne thoda ankush lagaaya lekin malinga naheen chal paae. Hasi ne apni timing ka khoobsoorat najaara pesh karke unke pehle over mein hi do geindon ko seema rekha ke darshan karaae. Vijay achhe touch mein dikh rahe the lekin vah Pollard ki dheemi geind ko naheen samajh paae aur galat timing se shot lagaakar mid-wicket par smith ko aasaan catch thama gaye. Hasi aur vijay ne 52 run jode jo chennai ki taraf se Mumbai ke khilaaf pehle wicket ke liye sarvashreshth saajhedaari hai. Raina ne dasvein over ke baad teji dikhaayi. Unhonne chennai ke khilaaf hamesha achha pradarshan karne vaale baayein haath ke spinner pragyaan ojha par mid-wicket aur Harbhajan par deep kavar mein chhakke jade. Jaanasan ki short pitch geind unhonne thoda peechhe jaakar khooboosarat kat se chhah run ke liye bheji. Is chhakke se unhonne twenty-20 mein 4000 run bhi poore kiye. Hasi ne half century poora karne ke baad Pollard ki geind par pul karne apni paari ka pehla chhakka jamaaya aur kris Gale ke 708 run ko peechhe chhodkar oreinj kaip bhi haasil ki. Raina ne munaaf par do chauke lagaaye jinhonne apne teen over mein 32 run diye. Mumbai ke pratyek geindabaaj ne beech beech mein dheeli geindein ki. Raina ne Pollard ki isi tarah ki fulataus par mid-wicket par chhakka jadkar 30 geindon par half century poora kiya. Unhonne agali geind ko baikafut par jaakar achhi timing se chaar run ke liye bheja. Maalinga ke aakhiri over mein 19 run bane. Is over mein hasi aur raina donon ne chhakke jamaae.

Mumbai Ko Haraakar Chennai Paanchaveen Baar IPL Final Mein https://www.angrejinews.com/pic/9272