Mumbai Brij Haadasa Kai Logon Ke Liye Laki Saabit Hua Red Traffic Signal

Breaking »

Mumbai Brij Haadasa Kai Logon Ke Liye Laki Saabit Hua Red Traffic Signal

Mumbai Dakshin Mumbai mein chhatrapati shivaaji mahaaraaj tarmins (CSMT) railway station ke paas guruvaar shaam ek foot over brij ka bada hissa girne se paanch logon ki jaan chali gayi aur 36 log ghaayal ho gaye. Ganeemat rahi ki foot over brij ke paas ek traffic jankshan par us samay laal batti thi, jab yeh haadasa hua. Agar laal batti na hoti to peediton ki sankhya badh sakti thi. Aise mein jo log green signal ka intajaar kar rahe the un gaadi vaalon ke liye yeh laki saabit hua. Mumbai: CST ke paas futaovar brij gira, 5 mare, 36 ghaayal Guruvaar shaam kareeb 7.30 baje pul ka ek hissa gir gaya. Aapko bata dein ki prasiddh CSMT station ke saath sthit is pul ko aam taur par 'Kasaab pul' ke naam se jaana jaata hai kyonki 26/11 Mumbai aatankvaadi hamle ke dauraan aatanki isi pul se hokar gujre the. Yeh pul railway station ko aajaad maidaan police station se jodta hai. Mumbai haadasa: CM ne jataaya dukh, jaanch ke aadesh Signal par intajaar kar rahe ek pratyakshadarshi ne bataaya, 'Ham kaafi besabri se laal batti ke hara hone ka intajaar kar rahe the. Batti hari hoti usase pehle hi brij ka hissa logon ke saath gir gaya. Agar pehle hi batti hari hoti to haalaat aur bhi bhayaavah ho jaate. ' Unhonne kaha, 'Us samay poore Mumbai se log CSMT ke paas se apne gharon ki or laut rahe hote hain. Ham bhi jald se jald ghar pahunchana chaah rahe the lekin ab aisa lagta hai ki achha hua signal laal tha. Anyatha, main bhi ghaayal ho jaata. ' Jab yeh haadasa hua to ek taxi driver paas hi the. Vah to bach gaye par unki gaadi ko kaafi nuksaan pahuncha. Haadase ke baad sadak par gaadiyaan jahaan-tahaan ruk gayi theen. Aapada prabandhan prakoshth ke adhikaari ne bataaya hai ki sabhi ghaayalon ko niktavarti aspataalon mein le jaaya gaya hai. Ek anya pratyakshadarshi ne bataaya ki guruvaar subah pul par marammat kaarya chal raha tha, iske baavajood iska istemaal kiya gaya.

Mumbai Brij Haadasa Kai Logon Ke Liye Laki Saabit Hua Red Traffic Signal https://www.angrejinews.com/pic/261250