Mulla Umar Lad Sakte Hain 2014 Ka Raashtrapati Chunaav Karajai

World »

Mulla Umar Lad Sakte Hain 2014 Ka Raashtrapati Chunaav Karajai

barlin. . Afghanistan ke raashtrapati haamid karajai chaahate hain ki faraar taalibaan pramukh mulla umar agale saal hone vaale raashtrapati chunaav ko ladein taaki log unke paksh ya khilaaf mein matadaan kar sakein. Jarman akhbaar mein chhapi ek interview mein karajai ne kaha ki unki sarkaar ka taalibaan ke saath chhitput sampark tha lekin koi baatcheet naheen hai. Akhbaar ne bataaya ki karajai ne taalibaan se hathiyaar daalne aur raajanaitik prakriya mein hissa lene ka aahvaan kiya. Yah poochhe jaane par ki kya mulla umar 2014 mein raashtrapati pad ke liye ummeedavaar ho sakte hain to karajai ne kaha, 'Vah raashtrapati pad ke liye ummeedavaar ho sakte hain aur Afghan janta ko apne paksh mein ya khilaaf mein matadaan ka avsar day sakte hain. ' karajai ka bayaan ravivaar ko unki Qatar yaatra ki prushthabhoomi mein aaya hai. Karajai sarkaar ne is baat par sahamati jataai hai ki taalibaan Qatar mein apna kaaryaalaya khol sakta hai basharte vah Al Qaeda se apne saare sambandh tod le aur aatankvaad ko chhod day. Karajai ki Qatar yaatra par charcha karte hue akhbaar ne unke pratinidhimandal ke sootron ke havaale se bataaya, 'Taalibaan kaaryaalaya ke mudde par koi charcha naheen hui thi. '

Mulla Umar Lad Sakte Hain 2014 Ka Raashtrapati Chunaav Karajai https://www.angrejinews.com/pic/4220