Mulaayam Singh Yadav Ki Tabeeyat Bigdi, Gurgaon Ke Medaanta Mein Bharti

India »

Mulaayam Singh Yadav Ki Tabeeyat Bigdi, Gurgaon Ke Medaanta Mein Bharti

Gurgaon Samaajavaadi party ke sanrakshak mulaayam Singh Yadav ko tabeeyat bigdane par Gurgaon ke medaanta aspataal mein bharti karaaya gaya hai. Yadav ko somvaar raat ko ek chaartard vimaan se gurugraam laaya gaya. Ravivaar ko bechaini aur kamjori ki shikaayat ke baad samaajavaadi neta ko Lucknow ke lohiya aspataal mein bharti karaaya gaya tha. Doctoron ne unka shugar leval badhe hone aur teevr uchch raktachaap se peedit hone ki baat kahi thi. Somvaar ki subah unhein aspataal se chhutti de di gayi thi. Doctoron ne poore din unke svaasthya ki baareeki se jaanch ki thi, lekin bataaya ja raha hai ki shaam ko unki tabiyat bigd gayi, jiske baad unhein medaanta mein sthaanaantarit kiya gaya. Somvaar ko uttar pradesh ke mukhyamantri yogi aadityanaath mulaayam ke svaasthya ke baare mein jaankaari lene ke liye unke aavaas par pahunche the. Yogi aadityanaath ke saath mulaakaat ke dauraan samaajavaadi party ke adhyaksh Akhilesh Yadav aur mulaayam ke chhote bhaai shivpaal Yadav upasthit the. Is dauraan yogi ne mulaayam Singh Yadav ko Kumbh par aadhaarit ek kitaab bheint ki thi. Party sootron ke anusaar, varishth neta ko medaanta aspataal mein kuchh dinon tak doctoron ki kadi nigraani mein rakha jaaega.

Mulaayam Singh Yadav Ki Tabeeyat Bigdi, Gurgaon Ke Medaanta Mein Bharti https://www.angrejinews.com/pic/280540