Mulaayam Se Kareebi Na Hai Aur Na Hogee BJP

Breaking »

Mulaayam Se Kareebi Na Hai Aur Na Hogee BJP

vishesh samvaadadaata . Nai Delhi SP supreemo mulaayam Singh Yadav ne bhale hi Lal Krishna Advani ka gunagaan karke BJP ko sandesh dene ki koshish ki ho lekin BJP ne use fir se jhatak diya hai. BJP ne kaha hai ki na to mulaayam Singh se sahayog tha aur na hi hai aur bhavishya mein bhi sahayog lene ya dene ki sambhaavana naheen hai. Party ka yah bhi kehna hai ki mulaayam ke saath BJP ka virodh jagajaahir hai aur yah bana rahega. Rajyasabha mein vipaksh ke upaneta ravishankar prasaad ne kaha ki mulaayam Singh ab Congress ko dhokhebaaj kah rahe hain yaani unhein nau saal ke baad yah pata chala hai. Agar ab mulaayam ko lagta hai ki Congress CBI aur inakam tax ka durupayog kar rahi hai to ve use chhodte kyon naheen? Unhonne mulaayam ke saath hi thard frant ki sambhaavnaaon ko bhi poori tarah khaarij karte hue kaha ki iska na to koi vartamaan hai aur na hi koi bhavishya hoga. Jab bhi thard frant ki sarkaar bani hai vah Congress ki baisaakhi par hi rahi hai. Aise mein ab bhi thard frant ki koi ummeed naheen hai. Jodtod ki sarkaar : BJP ne Manmohan Singh ki aguaai waali maujooda sarkaar ko alpamat ki sarkaar bataate hue kaha ki yah mahaj jodtod waali sarkaar hai aur jodtod ke boote hi chal rahi hai. Pradhaanamantri ke aarthik sudhaaron ko jaari rakhane sambandhi bayaan par BJP neta ne kaha ki yah sarkaar khisak-khisak kar chalegi. PM khud hi apni teesari paari ki sambhaavana se inkaar naheen kar rahe hain. Isse pata chalta hai ki ve behad mahatvaakaankshi neta hain. Ab tak unhein saaf taur par ek anichhuk neta maana jaata tha lekin ab unhonne apna asli rang dikha diya hai. Manmohan ki aguaai waali sarkaar ne corruption ke saare rekaard tod diye hain, aise mein unhein aur paanch saal ke liye satta dene ki ummeed naheen ki ja sakti.

Mulaayam Se Kareebi Na Hai Aur Na Hogee BJP https://www.angrejinews.com/pic/3825