Mulaayam Ki Taareef Ko Jyaada Bhaav Naheen

Breaking » Tuesday, March 26, 2013

vishesh samvaadadaata nai Delhi. . NDA sarkaar aur BJP netaaon ki taareef ke baavajood BJP ab mulaayam Singh Yadav ko jyaada bhaav dene ke mood mein naheen hai. Party ka maanana hai ki SP supreemo ki vishvasaneeyata ab is laayak naheen hai ki unhein gambheerta se liya jaae. Party ko lagta hai ki bhale hi ve BJP netaaon ki taareef kar rahe hon lekin un par bharosa naheen kiya ja sakta, kyonki ab tak ka unka rekaurd is tarah ka hai ki ve lagaataar UPA sarkaar ke madadgaar rahe hain. Gaurtalab hai ki mulaayam Singh Yadav ne Advani ki taareef karte hue kaha tha ki Advani kabhi jhooth naheen bolte. Unki party ke ek anya neta ne bhi UPA aur NDA sarkaar ki tulana karte hue kaha tha ki NDA sarkaar, maujooda UPA sarkaar se kai maayanon mein behtar thi. BJP netaaon ka maanana hai ki jis tarah se mulaayam baar-baar apne bayaan se palatate rahe hain, us sthiti mein unke bayaan par positive tippani karna khatarnaak hosakata hai. Yahi vajah hai ki bhale hi BJP neta andar hi andar apni taareef se khush hon lekin ve saarvajanik taur par aisa kuchh naheen kehna chaahate, jisse lage ki BJP unhein bhaav dene ja rahi hai. Party ko lagta hai ki ab tak UPA sarkaar ki malaai khaate rahe mulaayam Singh Yadav sambhavat: Ab apne kisi khaas maksad se hi BJP netaaon ki taareef kar rahe honge. Aise mein ve mulaayam ke jaal mein naheen fansana chaahate. Party netaaon ka kehna hai ki mulaayam pehle bhi achaanak hi you turn lete rahe hain, aise mein unhein tavajjo dena party ke liye nuksaan ka sabab ban sakta hai. BJP pravakta Rajiv prataap roodi ka kehna hai ki UP ke log mulaayam Singh se oob chuke hain aur unki vishvasaneeyata khatm ho gayi hai. Ab BJP ko lagta hai ki unki Congress ke saath kuchh deal hui hai. Aise mein party yah jaanana chaahati hai ki aakhir is deal ki kya keemat hai? BJP ne yahaan tak kah diya hai ki is vakt desh ki badahaali ke liye jitni UPA sarkaar jimmedaar hai, utane hi mulaayam Singh bhi hain. Aise mein BJP mulaayam Singh ke kisi bhi bayaan ko gambheerta se naheen leti