Mukharji Nagar Maarapeet Driver Sarabajeet Par Pehle Bhi Maarapeet Ke Kai Case

Breaking »

Mukharji Nagar Maarapeet Driver Sarabajeet Par Pehle Bhi Maarapeet Ke Kai Case

Somareet Bhattacharya, nai Delhi Mukharji nagar mein sarabajeet Singh aur unke bete se maarapeet maamale mein naya mod aa gaya hai. Police ki jaanch mein pata chala hai ki talavaar se policewaalon par hamla karne vaale sarabajeet ka aaparaadhik background raha hai, unhonne pehle bhi kai baar maarapeet ki hai. Saal 2006 se teen baar unapar maarapeet ke case darj hue hain. Isi saal April ke maheene mein sarabajeet par bangala saahib gurudvaare mein ek sevaadaar ke saath maarapeet ka aarop laga tha, jiske jurm mein unhein arest bhi kiya gaya tha. Ravivaar ko sarabajeet ne policekarmiyon par talavaar se hamla kiya tha, jiske baad policewaalon ne unhein aur unke naabaalig bete ko sadak par ghaseetate hue pitaai ki thi. Ghatna ka vidiyo vaayaral hone ke baad sikh sangathan virodh pradarshan karne lage. Hinsak virodh ho gaya jismein 12 log ghaayal ho gaye, jinmein ek ACP bhi shaamil hain. Naabaalig bete se gaadi chalavaane ke liye lagega faain Police ka kehna hai ki sarabajeet apna driving license aur gaadi ka paramit naheen dikha paae the. Sarabajeet ke khilaaf naabaalig bete ko driving ki ijaajat ke khilaaf bhi chaalaan kiya jaaega. Sarabajeet jis graameen seva vaahan ko drive kar rahe the, use unhonne Gandhi nagar mein rahane vaale apne padosi se leej par liya tha. Delhi police ne gruh mantraalaya ko saunpi report Delhi police ne somvaar ko is poore maamale ki antirm report gruh mantraalaya ko bhej di thi aur ab antim report ka intajaar kiya ja raha hai. Police ne ghatna ke alag-alag vidiyo ikattha kiye hain aur unki jaanch ki ja rahi hai. Saath hi, bheed mein un logon ki pehchaan karne ki koshish bhi jaari hai, jinhonne ravivaar raat ko police station ke baahar policekarmiyon par hamla kiya tha. Padhein: Delhi police ne mukharji nagar maamale ki report gruh mantraalaya ko saunpi Kya tha April wala maamala April mein sarabajeet ke khilaaf shikaayat darj karaane vaale sevaadaar mangal Singh ne kaha tha ki sarabajeet aur unka beta unhein gurudvaare ke tank par lete dikhe the, jahaan ve teen dinon se rah rahe the aur langar ka khaana khaate the. Jab gurudvaara committee ko is baare mein soochana mili to unhonne do sevaadaaron ko unhein daftar tak laane ko kaha tha. Mangal aur unke saathi shaalloo sarabajeet ke paas pahunche aur unhein saath chalne ko kaha. Mangal ne bataaya, 'Shuruaat mein sarabajeet ne chalne se inkaar kiya lekin baad mein maan gaye. Kuchh hi kshanon mein dekha gaya ki unka beta egjit ki taraf badh raha tha. Jab humne unase rokane ki koshish ki to sarabajeet ne mera haath pakadkar mod diya. ' iske baad sarabajeet ne mangal ko dhakka dekar gira diya aur unapar hamla kiya. Anya sevaadaaron ne sarabajeet ko peechhe dhakela lekin vah lagaataar gaaleegalauj karte rahe. Is case mein sevaadaar mangal Singh jakhmi ho gaye the aur unhein ilaaj ke liye Ram manohar lohiya aspataal le jaaya gaya tha. Baad mein sarabajeet ke khilaaf maarapeet ka case darj kiya gaya aur kuchh dinon ke liye jail mein rahana pada. Jail se baahar aane ke baad vah sant nagar se shift hokar North Delhi ke Gandhi nagar mein apne pita ke saath rahane lage, jo mukharji nagar ke paas hai. Padhein: Sarabajeet ne sunaai 'Aapabeeti', kaha- mainne naheen kiya pehle hamla Sarabajeet ke khilaaf puraane maamale Sal 2006 mein sarabajeet ke khilaaf shaanti bhang karne ki koshish ke aarop mein seeaarapeesi ki dhaaraaon ke tahat case darj kiya gaya tha. Aarop tha ki padosiyon ke saath jhagada kiya tha aur dhamakaaya tha. Singh ke khilaaf isi tarah ka case saal 2013 mein darj hua tha, jab majanoon ka teela ke paas sthit gurudvaare mein ek logon ke samooh ke saath sarabajeet ki jhadap hui thi. Saal 2011 mein bhi gurudvaare ke sevaadaaron ke saath sarabajeet ki bahas ho gayi thi. Padosi banaae rakhate the doori Sarabajeet ki jhagade aur maarapeet ki pravrutti ko dhyaan mein rakhate hue unke padosi unase doori banaae rakhate the. Sarabajeet ke pados mein rahane waali ek mahila ne bataaya, 'Jab se sarabajeet apne pita ke paas yahaan Gandhi nagar mein rahane lage hain, aksar chhoti-chhoti baaton ko lekar logon se unke jhagade hote hain. Ye jhagade kabhi parking ko lekar to kabhi parv-tyohaaron ke aayojanon ko lekar hote rahate hain. Ham is parivaar se baat karne se bachate hain. ' Jaanch mein paaya gaya hai ki graameen seva vaahan jise sarabajeet chala rahe the, vah Gandhi nagar mein rahane vaale kisi bhola naath naam ke shakhs ke naam par rajistard hai. Police ne paaya ki vaahan ke fitness sartifikit naheen hai. Kai koshishon ke baavajood ab tak is maamale par sarabajeet ka kaumeint naheen mila hai. Is khabar ko angreji mein padhein.

Mukharji Nagar Maarapeet Driver Sarabajeet Par Pehle Bhi Maarapeet Ke Kai Case https://www.angrejinews.com/pic/281865