Mukesh Ambani Ko Milegi Z Security

Breaking »

Mukesh Ambani Ko Milegi Z Security

Nai Delhi: Reliance industries limited (RIL) ke Chairman mukesh Ambani ab Z kaitigri ki security paane vaale VVIP logon mein shaamil ho gaye hain. Keindreeya gruh mantraalaya ne haal mein hi is baat ki manjoori di hai. Mantraalaya ne CRPF ko turant yah jimmedaari uthaane ko kaha hai. Z kaitigri ki suraksha ke tahat Ambani ka ek pilot veeikal hoga aur uske peechhe anya veeikal honge. Inmein hathiyaaron se lais commando honge. Ye commando mukesh Ambani ko Mumbai aur desh mein kaheen bhi jaane par har vakt suraksha deinge. Sootron ne kaha ki keindeeya suraksha agencyon ne suraksha aur unhein mili dhamakiyon ke vishleshan ke baad Ambani ko chaubeeson ghante suraksha upalabdh karaane ki sifaarish ki thi. CRPF ne iske liye 28 meinbaron ki team tay ki hai. Yah pehla mauka hai jab CRPF kisi niji shakhs ko theek usi tarah suraksha muhaiya karaaegi jaise vah Jammu-Kashmir aur Punjab mein sarkaari seva se jude logon ko karaati hai.

Mukesh Ambani Ko Milegi Z Security https://www.angrejinews.com/pic/6329