Mukesh Ambani Ka Ainteeliya Duniya Ka Sabse Mahanga Ghar

Business »

Mukesh Ambani Ka Ainteeliya Duniya Ka Sabse Mahanga Ghar

Nai Delhi. . Business maigajeen Forbes ne Bhaarat ke business taaikoon aur Reliance industries ke maalik mukesh Ambani ke bahucharchit ghar 'Ainteeliya' ko 'Duniya ke arabpatiyon ke sabse mahange gharon' ki list mein top par rakha hai. Forbes ne apni website par jaari taaja list mein duniya ke top 20 arabpatiyon ke gharon ko rating di hai. Forbes ne kareeb 21.5 arab dollar (kareeb 1 lakh 17 hajaar karod) ki prauparti ke maalik mukesh Ambani ke ghar 'Ainteeliya' ke baare mein likha, 'Petro kemikl bijnesamain mukesh Ambani ka Mumbai sthit 27 manjila ghar 'Ainteeliya' dharati par sabse mahanga ghar hai. Isko banaane mein kareeb do arab dollar (lagbhag 10 hajaar 500 karod rupae) ka kharch aaya hai. ' maigajeen ne kaha, 'Is aaleeshaan ghar ki chhah manjilon par keval parking aur gairej hain tatha rahane ke liye chaar lakh varg fut jagah hai jismein ek baularoom hai jiski chhat kristal se sajaai gayi hai. Is ghar mein ek cinema theatre, baar, teen helipaid ke alaava sabhi atyaadhunik sukh suvidhaaen maujood hain. Ainteeliya mein kaam karne ke liye 600 karmachaariyon ki jaroorat hoti hai. ' sabse mahange 20 gharon ki is soochi mein doosare number par Brazil ki arabpati lili saafra ka France sthit 'Vila liopolda' hai jiski keemat 2008 mein kareeb 75 karod dollar (kareeb 40 arab rupae) thi. 20 ekad mein faile is ghar ka nirmaan raaja liopold dviteeya ne karaaya tha. Forbes ne new yaurk sthit 'Fear field' ko teesara sabse manhaga ghar karaar diya hai jiske maalik ameriki vyavasaayi ira rennart hain. Is ghar ki keemat kareeb 24 karod 80 lakh dollar (14 arab) hai. Is ghar mein 29 bedaroom hain aur teen sveeming pool tatha iske kainpas mein apna power plant hai. Duniya ke sabse mahange gharon ki is list mein ek anya bhaarateeya mool ke vyavasaayi aur 'Steel King' ke naam se mashahoor lakshmi nivaas mittal ka ghar 'Keinsingatan pailes' ko chauthe sthaan par rakha hai. London ke 'Biliyneyar ro' sthit is ghar ko 2008 mein 22.20 karod dollar (12 arab) mein khareeda gaya tha. Aisa maana jaata hai ki lakshmi nivaas mittal ne yah ghar apne bete ke liye khareeda tha. Is list mein paanchave number par arabpati rint akhametov ka ghar 'Van haaid park' ( nirmaan- 2011, moolya- 22 karod 10 lakh dollar (kareeb paune 12 arab) , chhathe sthaan par orekal company ke sansthaapak lairi elisn ka America ke California sthit 'Elisn estate' (20 karod dollar), saatavein sthaan par roosi vyavasaayi roman abraamovich ka London sthit 'Kesingtan pailes garden, aathavein sthaan par ken grifin ka florida sthit blaasam estate, nauvein sthaan par bill Gates ka Washington sthit makaan 'Shanaadoo 2.0' aur 10vein sthaan par masaayoshi son ka ghar 'Maaunten hom rod' hai. Forbes ne list mein mittal ke ek aur ghar 'Taaj mittal' ko 16vein number par rakha hai jo London ke 'Biliyneyar ro' mein sthit hai. Is ghar mein vahi sangamaramar laga hai jo taaj mahal mein lagaaya gaya tha.

Mukesh Ambani Ka Ainteeliya Duniya Ka Sabse Mahanga Ghar https://www.angrejinews.com/pic/3971