Mujhe Coach Banaao, Ek Saal Mein Doonga Nateeje Dhanaraaj

Sports »

Mujhe Coach Banaao, Ek Saal Mein Doonga Nateeje Dhanaraaj

Nai Delhi. . Bhaarateeya hockey ke liye videshi coach ko gair jaroori bataate hue poorv kaptaan aur star striker dhanaraaj pillai ne kaha hai ki vah raashtreeya team ke coach banane ko taiyaar hain aur unhonne ek saal mein nateeje dene ka vaada bhi kiya. Dhanaraaj ne bhaasha se kaha, 'Bhaarateeya hockey ko videshi coach ki jaroorat naheen hai. Videshi coachon par kaafi paisa barbaad ho raha hai lekin Athens olympic (2004) mein geraard raak se lekar London olanpik (2012) mein Michael nobs tak nateeja sifr hi nikla hai. Bhaarateeya hockey ki sthiti jas ki tas hai aur ham world cup mein jagah banaane ko sangharsh kar rahe hain. ' Australia ke Michael nobs ko hataae jaane ke baad se bhaarateeya hockey mein deshi banaam videshi coach ki bahas chhidi hui hai. Australiaee coach rik chaarlsavarth ne haal hi mein kaha hai ki bhaarateeya coach aadhunik hockey ki jarooraton par khare naheen utarate. Raashtreeya championship jeetne waali air India ke coach dhanaraaj ne kaha, 'Main kehta hoon ki mujhe bhaarateeya hockey team ka coach banaakar dekhein. Mujhe apni sharton par kaam karne diya jaae to main ek saal mein nateeje dene ka vaada karta hoon. ' unhonne kaha, 'Pehle bhi raashtreeya championship jeetne waali teemon ke coach ko raashtreeya coach banaaya gaya. Fir vah saidrik disooja ho, vaasudevan bhaaskaran, raajindar Singh ya hareindr Singh ho. Fir mujhe Yeh mauka kyo naheen diya ja sakta. ' dhanaraaj ne kaha ki bhaarateeya hockey ki jarooraton ko ek bhaarateeya coach hi samajh sakta hai. Unhonne kaha, 'Bhaarat mein jyaadaatar khilaadi itni achhi angreji naheen jaante ki coach ki bhaasha ko samajh sakein. Har coach apne saath poora sahayogi staaf lekar aata hai lekin khilaadi aur coach mein seedha samvaad bhaashaai dikkat ke kaaran naheen ho paata. ' unhonne aage kaha, 'Bhaarateeya hockey khilaadi kaafi paripakva hain aur unhein khel seekhane ki jaroorat naheen hai. Bhaarateeya hockey ko aisa visheshagya chaahiye jo vyaktigat star par achha pradarshan karne vaale khilaadiyon se ek ikaai ke roop mein sarvashreshth pradarshan kara sake. Videshi coach aate hain aur fir jaate samay meenamekh nikaalne ke alaava kuchh naheen karte. ' dhanaraaj ne bhaarateeya hockey adhikaariyon ko bhi aade haathon lete hue kaha, 'Humne duniya ko hockey khelna sikhaaya. Hamaare bade-bade khilaadi deshi coachon ki den rahe. Lekin ab junior hockey (coach-Greg Clark), mahila hockey (coach-neel haagud), puroosh hockey (coach-rolaint oltameins) ki kamaan videshiyon ke haath mein hai. Pichhle 10 saal mein maine to team ko koi bada tournament jeetate naheen dekha. ' unhonne kaha, 'Oltameins yadi itne hi kaabil hain to hockey India league mein UP wizards ko jeet kyo naheen dila sake jabki unhein unke mutaabik team mili thi. Main bhi us team ka takaneeki nideshak tha aur maine unka kaam dekha hai.

Mujhe Coach Banaao, Ek Saal Mein Doonga Nateeje Dhanaraaj https://www.angrejinews.com/pic/16969