Mudraasfeeti May Mein 7 Maheene, Audyogik Vruddhi April Mein Chhah Maah Ke Uchchatam Star Par

Business »

Mudraasfeeti May Mein 7 Maheene, Audyogik Vruddhi April Mein Chhah Maah Ke Uchchatam Star Par

Nayi Delhi, 12 June (bhaasha) is saal May maheene mein khudara mudraasfeeti badhkar saat maheene ke uchchatam star 3.05 pratishat par pahunch gayi. Haalaanki yeh ab bhi keindreeya bank ke lakshya ke daayare mein hai jisse reserve bank ke paas maang mein teji laane aur audyogik utpaadan ko gati dene mein madad ke liye neetigat byaaj dar mein aur katauti karne ki gunjaaish barakaar hai. audyogik utpaadan vruddhi is saal April mein 3.40 pratishat rahi. Yeh audyogik vruddhi ka chhah maah ka uchchatam star hai. keindreeya saankhyiki kaaryaalaya ne Budhvaar ko ye aankade jaari kiye. Upabhokta moolya soochakaank (CPI) par aadhaarit khudara mudraasfeeti mein teji ka mukhya kaaran sabjiyon, maans tatha machhali ki keematon ka badhna hai. yeh April ke 2.99 pratishat ki tulana mein adhik hai lekin May 2018 ke 4.87 pratishat se kam hai. isse pehle khudara mudraasfeeti ka uchchatam star October 2018 mein tha aur tab yeh 3.38 pratishat thi. khaadya padaarthon ki mudraasfeeti May 2018 ke 1.10 pratishat ki tulana mein May 2019 mein 1.83 pratishat rahi. audyogik utpaadan soochakaank (IIP) mein April maheene mein kami dekhne ko mili lekin khanan evam bijli utpaadan kshetron mein sudhaar ke dam par yeh abhi bhi chhah maheene ke uchchatam star par hai. IIP ke aadhaar par pichhle saal April maheene mein audyogik utpaadan vruddhi 4.5 pratishat thi. Isse pehle, October 2018 mein audyogik vruddhi dar sarvaadhik 8.4 pratishat thi. Khanan kshetr mein vruddhi aalochya maheene mein 5.1 pratishat rahi jo pichhle varsh 2018 ke isi maheene mein 3.8 pratishat thi. isi prakaar, bijli kshetr mein vruddhi April maheene mein 6 pratishat rahi jo isse poorv varsh ke isi maheene mein 2.1 pratishat thi. Haalaanki vinirmaan kshetr mein narami rahi. Keindreeya saankhyiki kaaryaalaya (CSO) aankado ke anusaar vinirmaan kshetr mein vruddhi April mein ghatkar 2.8 pratishat rahi jo pichhle saal isi avadhi mein 4.9 pratishat thi. poonjeegat vastu khand mein vruddhi April mein ghat kar 2.5 pratishat rahi jo pichhle varsh isi maheene mein 9.8 pratishat thi. Poonjeegat vastu khand mein vruddhi nivesh gatividhiyon ka aaina maana jaata hai. isi prakaar buniyaadi dhaancha / nirmaan saamagri, tikaaoo upabhokta saamaan tatha gair-tikaaoo upabhokta maal banaane vaale udyog vargon mein vruddhi aalochya maheene mein dheemi rahi. haalaanki, praathamik vastuon ke utpaadan mein is saal April mein 5.2 pratishat ki vruddhi hui jabki ek saal pehle isi maheene mein ismein 2.7 pratishat ki vruddhi hui thi. reserve bank ne lagaataar teen baar repo dar ko 0.25-0.25 pratishat ghataaya hai. Usane neetigat rukh ko bhi tatasth se badalkar naram kar diya hai. Sarkaar ne reserve bank ko khudara mudraasfeeti chaar pratishat se neeche rakhane ka lakshya diya hai. May maheene mein bhi khudara mudraasfeeti isi daayare mein rahane ke kaaran ummeed ki ja rahi hai ki reserve bank agali neetigat baithak mein bhi repo dar kam kar sakta hai.

Mudraasfeeti May Mein 7 Maheene, Audyogik Vruddhi April Mein Chhah Maah Ke Uchchatam Star Par https://www.angrejinews.com/pic/280803