Mudraasfeeti, Audyogik Utpaadan Ka Aankada Aane Se Pehle Share Baajaaron Mein Utaar-chadhaav

Business »

Mudraasfeeti, Audyogik Utpaadan Ka Aankada Aane Se Pehle Share Baajaaron Mein Utaar-chadhaav

Mumbai, 12 July (bhaasha) ghareloo share baajaaron BSE Sensex aur NSE Nifty mein shukravaar ko shurooaati kaarobaar mein utaar-chadhaav dekhne ko mila. Mudraasfeeti aur audyogik utpaadan ke aankade aane se pehle yeh utaar-chadhaav dekha gaya. tees sheyaron wala Sensex shurooaati kaarobaar mein 100 ank ki teji ke saath khulne ke baad neeche aaya aur baad mein 6.14 ank yaani 0.02 pratishat neeche aa gayaaa. Subah 9.45 minute par Sensex 6.14 ank ki maamooli giraavat ke saath 38,816.97 ank par pahunch gaya. isi prakaar, national stock exchange ka Nifty 6.30 ank yaani 0.05 pratishat ki giraavat ke saath 11,576.60 ank par pahunch gaya. Sensex bruhaspativaar ko 266.07 ank arthaat 0.69 pratishat ki badhat ke saath 38,823.11 ank par band hua. NSE Nifty bhi 84 ank ki teji ke saath 11,582.90 ank par band hua. shurooaati kaarobaar mein Sensex ke sheyaron mein bhaarati Airtel, tata motors, ITC, L end ti, HDFC bank, hero moto kaarp, Bajaj finance, power grid aur eksis bank 1.46 pratishat tak neeche aaye. vaheen doosari taraf san pharma, NTPC, yas bank, RIL, tata steel, tech mahindra aur HDFC 1.21 pratishat tak majaboot hue. infosis ka vitteeya parinaam aane se pehle company ka share maamooli teji ke saath kaarobaar kar raha tha. Soochana praudyogiki company ka vitteeya parinaam aaj jaari hoga. kaarobaariyon ke anusar mudraasfeeti aur audyogiki utpaadan ka aankada jaari hone se pehle niveshakon ne satark rukh apnaaya.

Mudraasfeeti, Audyogik Utpaadan Ka Aankada Aane Se Pehle Share Baajaaron Mein Utaar-chadhaav https://www.angrejinews.com/pic/286216