Mudraasfeeti Aane Vaale Maheenon Mein Aur Kam Hogi Montek

Business »

Mudraasfeeti Aane Vaale Maheenon Mein Aur Kam Hogi Montek

Nai Delhi. . Mudraasfeeti ke March mein teen saal se adhik samay ke baad 6 feesadi se neeche aane ke baad yojana aayog ne aaj bharosa jataaya ki aane vaale maheenon mein haalaat aur sudhareinge. Aayog ke upaadhyaksh montek Singh Ahluwalia ne kaha, 'Teen saal se adhik avadhi mein pehli baar iska 6 feesadi se neeche aana behad mahatvapoorn hai aur mujhe ummeed hai ki hamein aisa aage bhi dekhne ko milega. ' sabjiyon ke daam ghatne se mudraasfeeti March mein ghatkar 5.96 feesadi rah gayi hai. Thokamoolya soochakaank par aadhaarit mudraasfeeti ek maheene pehle February mein 6.84 feesadi par thi. Ek saal pehle March 2012 mein yah 7.69 feesadi rahi thi. Pichhle vitt varsh mein March mein 5.96 feesadi par I mudraasfeeti reserve bank ke 6.8 feesadi ke anumaan se bahut kam hai. Ahluwalia ne kaha, 'Maasik aankadon mein utha-patak ho sakti hai, lekin hamaara yah maanana raha hai ki dheere-dheere mudraasfeetik dabaav kam hoga. ' haalaanki, thokamoolya aadhaarit mudraasfeeti ka January aankada sanshodhit hokar 7.31 feesadi ho gaya hai, jabki shuruaati aankada 6.62 feesadi raha tha. Mudraasfeeti ke January ke aankadon mein sanshodhan ke baad kaafi badhotri ke baare mein poochhe jaane par unhonne kaha, 'Jahaan tak maasik aankadon ka savaal hai. Hamaari pranaali itni majaboot naheen hai ki inmein baad mein kuchh badlaav na ho. ' Ahluwalia ke mutaabik mudraasfeeti ki chaal sarkaar ke anumaan ke mutaabik hi hai, jaisa ki sarkaar kehti rahi hai ki yah dheere-dheere niyantran mein aa rahi hai.

Mudraasfeeti Aane Vaale Maheenon Mein Aur Kam Hogi Montek https://www.angrejinews.com/pic/5621