Mubaarak Ke Khilaaf Dobaara Sunavaai Anishchitkaal Ke Liye Sthagit

World »

Mubaarak Ke Khilaaf Dobaara Sunavaai Anishchitkaal Ke Liye Sthagit

Kaahira . . Misr ke poorv raashtrapati husni mubaarak ke khilaaf maamale ki dobaara sunavaai kar rahe nyaayaadheesh dvaara swayam ko maamale se alag kar lene ke kaaran maamale ki sunavaai anishchitkaal ke liye sthagit ho gayi hai. Nyaayaadheesh ne maamale ko nichli adaalat mein bhej diya hai. Ise lekar adaalat mein kaafi virodh bhi huaa. Sarkaari samvaad samiti 'Emaienae' ki khabar ke anusaar kaahira ke baahari bhaag mein police academy mein sunavaai shuroo hone ke kuchh hi minute baad nyaayaadheesh mustafa hasan abdulla ne khud ko maamale se alag karne ki ghoshana ki. Adaalat mein shor-sharaabe ke beech abdulla ne kaha ki vah maamale ko 'Appeali adaalat' bhej rahe hain. 84 varsheeya mubaarak apni umrakaid ki saja ke khilaaf appeal sveekaar kar liye jaane ke baad dobaara sunavaai ka saamana karne ke liye adaalat mein maujood the. Mubaarak ko helikauptar se mukadame ki sunavaai mein hissa lene ke liye laaya gaya tha. Misr ke kaanoon ke anusaar, nyaayaadheesh ko saarvajanik taur se swayam ko maamale se alag karna hota hai. Mubaarak ke do bete gamaal aur ala tatha poorv suraksha adhikaari habeeb al adal bhi dobaara sunavaai ke liye adaalat pahunche the. Adaalat parisar ke baahar mubaarak ke kuchh samarthak bhi khade the.

Mubaarak Ke Khilaaf Dobaara Sunavaai Anishchitkaal Ke Liye Sthagit https://www.angrejinews.com/pic/5458