Muaavaje Par Sarkaar Se Court Ne Maanga Javaab

India »

Muaavaje Par Sarkaar Se Court Ne Maanga Javaab

raajesh chaudhari . Haai court Delhi haai court ne us yaachika par sarkaar se javaab daakhil karne ko kaha hai, jismein kaha gaya hai ki blaast viktim ya fir aapada peediton ko muaavaja dene ke liye sarkaar ke paas koi gaaidalaains naheen hai. Haai court ke cheef Justice di. Murugeshan aur Justice vi. Ke. Jain ki bench ne sarkaar se 22 July tak javaab daakhil karne ko kaha hai. Yaachikaakarta vakeel gaurav bansal ne apni arji mein kaha ki unki or se Delhi haai court blaast case mein muaavaja ke liye arji lagaai gayi thi aur us maamale mein gambhir taur par ghaayal hue logon ko 10-10 lakh rupaye muaavaja diye jaane ka nirdesh diya gaya tha. Bansal ne Budhvaar ko court ko bataaya ki pichhle ek dashak mein Delhi mein kai bam blaast hue hain. 13 December, 2001 ko paarliyaameint par ataik kiya gaya tha, jismein 11 logon ki maut ho gayi thi. Vaheen 29 October, 2005 mein sarojini nagar, pahaadganj aur govind puri mein blaast huaa tha aur 62 logon ki maut ho gayi thi. 13 September, 2008 ko rajdhani mein hue seeriyl blaast mein 25 ki maut hui thi. Vaheen 2011 ke 7 September ko Delhi haai court ke baahar hue blaast mein 15 logon ki jaan chali gayi thi. Sarkaar tamaam blaast mein mrutak ke parijanon va ghaayalon mein muaavaja deti rahi hai, lekin iske liye kaanoon mein koi ekaroopata naheen hai. 10 January, 2013 ko yaachikaakarta ne RTI ke jariye naishanal dijaastar management se jaankaari maangi thi ki bataaya jaae ki act ke tahat muaavaja dene ke liye kya gaaidalaains hain. Is par unhein javaab mila ki dijaastar management act-12 ke tahat yah praavadhaan hai ki sarkaar muaavaja dene ke liye gaaidalaains jaari karegi lekin abhi tak koi gaaidalaains jaari naheen ki gayi hai. Yaachikaakarta ne is maamale mein kendra sarkaar aur Delhi sarkaar ko prativaadi banaaya hai. Yaachikaakarta ne kaha ki sarkaar ke paas muaavaja jaisi sthiti se nipatne ke liye koi praavadhaan naheen hai. Muaavaja dene ke liye koi planning naheen hai. Muaavaja ke maamale mein sarkaar gambhir naheen hai, kyonki abhi tak is baare mein koi gaaidalaains naheen hai. Muaavaja ke liye ek paulisi honi chaahiye, lekin aisa hai naheen. Yaachika mein kaha gaya hai ki sarkaar dijaastar management act-12 ke tahat guide lines banaae, jiske tahat muaavaja ke liye ek paulisi tay ho aur yah bhi tay ho ki kitna muaavaja diya jaaega.

Muaavaje Par Sarkaar Se Court Ne Maanga Javaab https://www.angrejinews.com/pic/5180