Mrutak Ke Parijanon Ne Kiya Thaane Par Hangaama

India » Tuesday, April 23, 2013

ek samvaadadaata . Sahaaranapur yuvak ki goli maarkar hatya ke maamale mein kaarravaai karne ki maang ko lekar mrutak ke parijanon ne shav ko thaane ke baahar highway par rakhakar pradarshan kiya. Is dauraan pradarshanakaariyon ne thaane mein todfod bhi ki. Police ki or se 2 din ke bheetar hatyaakaand ke khulaase ka aashvaasan milne ke baad hi log shaant hue. Kasbe ke muhalla maajari nivaasi ravi Kumar (22) ki gaanv malakapur ke paas goli maarkar hatya kar di gayi thi. Saath hi badmaash hatya ke baad usaki baaik aur mobile lootakar le gaye the. Police ne shav ko postmortem ke liye bhejkar maamala darj kar liya tha. Agale din ravi ke shav ko lekar parijan aur gaanv vaale antim sanskaar ke liye nikle. Is beech raaste mein shav ko thaane ke baahar highway par rakhakar pradarshan kiya aur naarebaaji karte hue kotavaali mein ghus gaye. Graameen hatyaakaand mein kaarravaai ki maang karte hue thaane ki kursiyaan bhi tod di. Police ne pradarshanakaariyon ko aashvaasan diya ki 2 din ke bheetar hatyaaron ko giraftaar kar liya jaaega. Is aashvaasan ke baad hi pradarshanakaari shaant hue.