Moovi Rivyoo Shri

Movies »

Moovi Rivyoo Shri

chandra mohan sharma nai Delhi. . Masaala filmon ki bheed mein industry mein kuchh alag karne vaale filmamekars bhi hain. Haalaanki, inmein se kuchh filmamekar jaldabaaji mein homework kiye bina kaam shuroo kar to dete hain, lekin sabjekt aur kirdaaron par achhi pakad na hone se apni script ke saath insaaf naheen kar paate. Kuchh yahi haal yang director raajesh bachchaani ki film 'Shri' ka bhi hai. Vaise, raajesh ne film mein kuchh naya karne ki koshish to jaroor ki lekin do ghante se bhi kam samay ki film mein flaishabaik ka istemaal aur bikhri script darshakon ko kahaani ke saath jod naheen paai. Kahaanee: Shri (husain kuvaajeravaala) ek company mein kaam karta hai. Shri aur sonoo (anjali Patil) ek doosare se pyaar karte hain. Iske baavajood shri ka jaldi shaadi karne ka iraada naheen hai. Daraasal, vah chaahata hai shaadi se pehle kuchh paisa jod le, taaki usaki jindagi bina teinshan ke saath gujar sake. Isi beech usaki mulaakaat randhaava se hoti hai. Har maheene baarah hajaar rupae ki sailari kamaane vaale shri ko randhaava 12 ghante mein bees lakh se jyaada rupae dene ka ofar deta hai. Randhaava ki deal ke mutaabik, shri ko 12 ghante ek eksperimeint ke liye dene hain aur iske baare mein kisi ko naheen bataana hai. Is anokhi deal mein randhaava ke saath shahar ka police commissioner aur ek professor bhi shaamil hain. Is deal ke final hone ke baad shri par ek test kiya jaata hai. Randhaava ka daava hai is test ke kaamayaab hone par aane vaale kal ka pata lagaaya ja sakega. Vah isse pehle yah test 8 logon par kar chuka hai, lekin use naakaamayaabi hi mili. Shri ke saath test shuroo hota hai aur iske baad usaki jindagi mein kuchh aisa hota hai jo usane kabhi sapane mein bhi naheen socha tha. Ekting: Shri ke kirdaar mein husain ne mehnat to ki, lekin bikhri script aur kamjor daayarekshan ki vajah se vah darshakon ki har class ko prabhaavit naheen kar paate. Anjali Patil ke hisse mein jitne scene aae unamein vah khoobsoorat gudiya bankar rah gain. Daayarekshan: Raajesh apni hi likhi kahaani ko camere ke saamane asaradaar dhang se pesh naheen kar paae. Aise alag sabjekt par banane waali film ki box office par kaamayaabi tabhi mumkin ho paati hai, jab darshak kahaani ke saath khud ko jod paae. Yahi chamatkaar raajesh naheen kar paae. Sangeet: Film mein aisa koi gaana naheen jo aapki jubaan par aane ka dam rakhata ho. Kyon dekhein: Agar time paas karna hai, tabhi 'Shri' se milne ka plaan banaaen.

Moovi Rivyoo Shri https://www.angrejinews.com/pic/7002