Moovi Rivyoo Ek Thi Daayan

Movies »

Moovi Rivyoo Ek Thi Daayan

Haurar films ko lekar baulivud ab open hone laga hai aur eksaperimeintal bhi. Haalaanki abhi bhi tekneek se jyaada yahaan log bandhe maaindaset se chalte hain aur 'Ek thi daayan' isi ka udaaharan hai. Kahaani ka daur aaj ka hai, lekin focus hai aisi daayan par jiske pair ulte hain, jiski taakat usaki choti mein hai aur jo raat ki raani hai. Hamaari lok kathaaon mein chudailon aur pishaachon ka jikr khoob aata hai. Ab ye hain ya naheen, isko lekar sabhi ki apni soch hai. Haalaanki film ke ant mein bhi is baat ko golamol hi karke bataaya gaya hai ki achhaai aur buraai, donon insaan ke andar hain. Ab yah us par hai ki vah kis raah par chalta hai. Kahaani ko piroya achhi tarah gaya hai, lekin kuchh effects aur hote, to film ka thril factor badh jaata. Kahaani : Bobo (Imran Hashmi) ek mashahoor jaadoogar hai aur apni garlafreind tamaara (huma kuraishi) ke saath khush hai. Ye donon shaadi karke ek bachche ko adaupt karne ki taiyaari mein bhi hain ki Imran ke maijik sho ke dauraan kuchh praublams shuroo ho jaati hain. Use aavaajein sunaai dene lagti hain, jisse sho mein eksideint hone lagte hain. Use apne paast ki kuchh baatein yaad aati hain aur vah ek saaikaulajist se milta hai, jisne uske bachapan mein bhi usaka treetameint kiya tha. Hipnotaaij takaneek se vah apne bachapan ke baare mein jaan paata hai. Use uske paapa se shaadi karke usaki bahan aur paapa ko maarane waali daayan (konkana) ke sach ka pata chalta hai. Haalaanki usaki baaton ko sab vaham maanate hain. Isi beech vah tamaara se shaadi kar leta hai. Iske baad kahaani mein naya tvist aata hai leeja datt (kalki) ki entry se. Use lekar bobo ko galatafahami ho jaati hai, lekin jab sach uske saamane aata hai, to vah hairaan rah jaata hai. Aikting: Imran Hashmi ka kaam achha hai. Teenon heeroinon mein huma kuraishi ke hisse mein sabse jyaada screen space aaya hai. Tamaara ke rol ke liye vah achhi chauis saabit hui hain. Konkana senasharma arse baad parde par I hain aur aikting ke maamale mein hamesha ki tarah inpresiv rahi hain. Kalki behtar ho rahi hain. Haalaanki sabse shaanadaar rahe hain Imran ke bachapan ka rol karne vaale vishesh tivaari, jinke kandhon par first half tika hai. Daayarekshan: Director kaanan ayyar ki yah pehli film hai. Film ki shuruaat unhonne bahut sadhe tareeke se ki hai. Intaraval tak film aapko baandhe rakhati hai. Haalaanki dar ka film mein jyaada skop naheen hai, lekin kuchh scene sihran paida kar dete hain. Second half khincha huaa hai. Yahaan kaanan ki pakad dheeli ho gayi hai. Sabhi daayanon va pishaachon ke beech Imran ka pahunchana aur unase faait karna aur inpresiv banaaya ja sakta tha. Sangeet: Film mein koi yaadagaar gaana naheen hai. Kaali-kaali ankhiyaan aur yaaram pasand aate hain, lekin baahar nikalne ke baad inke yaad rahane ki gunjaaish kam hai. 'Tote ud gaye' fani hai. Kyon dekhein : Agar baulivud se achhi haurar film dene ki ummeed rakhate hain, Imran Hashmi ko 'Raaj 3' ke baad fir aisi film mein dekhna chaahate hain, baulivud heeroinon ke aam latake-jhatakon se hatkar unka koi package chaahiye, to yah film dekh sakte hain. Medha Chawla.

Moovi Rivyoo Ek Thi Daayan https://www.angrejinews.com/pic/6196