Moovi Review Matru Ki Bijli Ka Mandola

Movies »

Moovi Review Matru Ki Bijli Ka Mandola

Chandra mohan sharma apne ab tak ke filmi safar mein vishaal Bhardwaj ne itna to saabit kiya hai ki vah maayaanagari ki bheed ka hissa banaana naheen chaahate. Box office par unki filmon ka anjaam chaahe jo ho, lekin unhein apne mijaaj ki filmein banaana hi pasand hai. Vishaal ki pichhli film 'Saat khoon maaf' box office par tik naheen paai. Haan, leek se hatkar bani filmon ke shaukeenon ki ek badi class ko film pasand jaroor I. 'Omkara' mein UP ke gaanv dikha chuke vishaal is baar Haryana ja pahunche. Yah film teen aham mandola, bijli aur Matru ke aaspaas tiki hai. Vishaal khud ko aisa mekar kehte hai, jinhein stars ki puraani imej badalne mein bada maja aata hai. Saif Ali Khan se 'Omkara' mein langada tyaagi ka kirdaar vishaal jaisa director hi kara saakata tha, is baar bhi vishaal ne chaukaleti hero Imran Khan ko Haryana ke Matru ke kirdaar mein pesh kiya hai. Vishaal ne is baar bhi film banaate vakt box office par bikaaoo masaalon ka moh naheen rakha aur saath hi ek sinpal kahaani mein ek bhi aisa mesej bhi parosa, jo aaj vakt ki jaroorat hai. Vishaal apni filmon mein raajaneeti par kataaksh karaane se naheen chookate. Yahi haal mandola ka hai. Is film mein mukesh Ambani, neeta Ambani se lekar sachin pilot aur jyotiraaditya sindhiya se lekar Delhi ki CM sheela Dixit ke naamon ko vishaal ne apni sikrapt ka hissa banaaya hai. Vah Lokpal ke mudde ko bhi naheen bhoole, jisne pichhle kuchh arase pehle desh ki raajaneeti mein bhookamp la diya tha. Kahaani: Haryana ke ek chhote se gaanv mein rahane vaale bijnesamain mandola pakanj Kapoor ke do roop hain. Daaroo ki botal mein doobne se pehle aisa theth bijnesamain, jo apne faayde ki khaatir kuchh bhi kar sakta hai. Jab us par desi daaroo ka nasha savaar hota hai to mandola gaanv ka seedha saada kisaan hariya ban jaata hai, jo mandola ke julm se dabe kisaanon ka hamadard hai. Vaise, mandola ka sapana kisaanon ki upajaaoo jameen saste mein khareedkar apne sapanon ka aisa shahar banaana hai, jismein shaaping mauls, malitpleks aur cyber city aadi hon. Mandola ke is sapane ko poora karne mein vidhaayak chaudhari devi (shabaana aazmi) saath hain. Chaudhari devi ka sapana pradesh ke CM ki kursi hai, is sapane ko poora karne ke liye vah apne ikalaute bete baadal (aarya babbar) ki shaadi mandola ki ikalauti beti bijli (Anushka sharma) se karke usaki arabon ki daulat haasil karna chaahati hain. Matru (Imran Khan) shahar se stadi karke gaanv lauta hai aur mandola se apne poorvajon ke liye karj chukaane ke liye usaka driver ban jaata hai. Matru aur mandola ka rishta bahut ajeeb hai. Daaroo mein doobne ke baad mandola ko Matru mein har aisi khoobi najar aati hai jo use apne daamaad mein chaahiye, vaheen daaroo ka nasha utarate hi vah mandola ke liye sirf driver hai. Kahaani mein mod tab aata hai jab ek raat nashe mein dhut mandola ko apne saamane gulaabi rang ki bhains khadi najar aati hai. Doctor mandola ki jaanch karne ke baad ise kemikl locha bataate hain, jabki vah is gulaabi bhains ka lekar teinshan mein hai. Aikting: Mandola ka kirdaar film ki jaan hai. Is kirdaar mein pakanj Kapoor poori tarah se rame hain. Mandola bane pakanj ko dekh lagta hai ki agar pakanj Kapoor ki haan na hoti to vishaal is film ko banaate hi naheen. Agar doosra koi kirdaar film mein apni pehchaan darj kara paaya hai to vah chaudhari devi yaani shabaana aazmi ka hai. Shabaana ne apne behatareen abhinay se ek baar fir gaud madar ki yaad taaja kara di. Anushka sharma ek baar fir apne vahi puraane bindaas aur bold baby style mein hain. Matru aur maao bane yaani Imran Khan bas apna kaam nibha bhar gaye. Daayarekshan : Vishaal ne ek baar fir apne mijaaj ki film banaai hai. Film mein aisi kai khaamiyaan hain, jo box office par bhaari padeingi. Intaraval se pehle aur baad ki kahaani mein achha-khaasa fark nazar aata hai. Teji se aage badhti ghatnaaon ke taalamel ko vishaal ekajut naheen kar paae. Mandola ke saath Matru ki kemistri kai jagah samajh se pare hai. Mandola ke kirdaar aur Matru ke kirdaar ko prabhaavashaali banaane ki bajaae gulaabi bhains ke chakkar mein vishaal ne kaafi vakt ganvaaya hai. Sangeet: Release se pehle film ke kai gaane lokapriyta ke shikhar par hain. Bataur sangeetakaar vishaal ki taareef karni hogi ki unhonne kahaani aur maahaul par fit myoojik taiyaar kiya, jismein gaanv ki maati (lokasangeet), lokadhunon ko bhi kaheen na kaheen sangeet ka hissa banaaya gaya hai. Kyon dekhein : Agar vishaal ki Dirk shed filmon ke shaukeen hain, munbaiya masaala aur filmon ki bheed se kuchh hatkar ya naya dekhna chaahate hain to 'Matru , bijli aur mandola' aapke liye hai. Sirf sirf entertainment, time paas aur mauj-masti ke maksad ke saath film ja hai to film aapki kasauti par shaayad khari na utare

Moovi Review Matru Ki Bijli Ka Mandola https://www.angrejinews.com/pic/3322