Moovi Review Aayaran Main 3, (faulaadi Rakshak- Three Di)

Movies »

Moovi Review Aayaran Main 3, (faulaadi Rakshak- Three Di)

Chandra mohan sharma kuchh saal pehle tak haulivud ki filmein Europe, UK mein pradarshit hone ke maheenon baad Bhaarat mein release huaa karti thi, vaheen ab aalam yah hai ki haulivud ke top mekar apni nai mega bajat, malitstaarar filmon ko Europe se pehle Bhaarat mein release karna pasand karte hain. Daraasal, pichhle paanch-saat saalon mein haulivud filmon ne Bhaarat mein karodon ki moti kamaai karke videshi mekars ko chaunka diya. Aayaran main series ki pichhli film 'The eveinjars' bhi Europe se pehle Bhaarat mein release hui to ab series ki teesari film bhi Bhaarat mein pehle release ki gayi hai. Aayaran main series ki pichhli filmon ne box office par achhi-khaasi kaamayaabi aur kamaai ki to ab is nai film mein aise sabhi masaale maujood hain jo aayaran main ke fains ko lubhaane ka dam rakhate hain. Behatareen threedi aur special ifektas ka javaab naheen, chaaineej theatre mein bheeshan visfot ke scene ke alaava toni ke vishaal bangle par mainaderin ke ataik sahit kuchh aikshan scenes, film ka damadaar klaaimeks sau feesadi paisa vasool hai. Is baar director Shane black ne kahaani mein kuchh jaroori badlaav karke film ko har class ki kasauti par fit banaane ki achhi pahal ki hai. Masalan, das saal ke bachche harle ka kirdaar jodkar unhonne is baar chhote bachchon ko kahaani se jodne ki achhi pahal ki hai, film ke yahi scene is baar bachchon ko bhi aayaran main ke aur najadeek le jaate hain. Kahaani: Toni Stark ( Robert dauni junior) apne bangle mein kai aayaran main soot taiyaar karne mein laga hai, inheen soot ko lekar toni ka aksar apni garlafreind peepar pautas (gvaaneth paultaro) se manamutaav hota rahata hai. Daraasal, in soot ko banaane ki dhun mein toni teen-teen din tak kaam mein dooba rahata hai. Doosari or aatankvaadi mainaderin ka khauf lagaataar badhta hi ja raha hai. Ek din media se baatcheet karte vakt toni mainaderin ko dhamaki dete hue apne ghar ka pata bhi bata deta hai. Mainaderin toni ki is baat ko apne liye bada chaileinj maankar uske bangale par jabardast ataik karta hai. Kisi tarah is ataik se toni aur peepar bach nikalte hain. Is ataik ke baad toni ko mrut maan liya jaata hai. Ataik ke kuchh arse baad toni khud ko ek anajaan jagah par paata hai, yahaan use das saal ka ladka harle milta hai, jo usaki madad karta hai. Iske baad toni khud ko ek baar fir shaktishaali bankar mainaderin se takaraata hai. Daayarekshan: Beshak, film ki kahaani ausat hai. Lekin shain ne ise asaradaar dhang se parde par utaara hai. Bevajah film ko lamba naheen kiya gaya. Kasi hui script ki vajah se film ki avadhi bhi kam hai, jo darshakon ko staart tu laast baandhakar rakhati hai. Kyon dekhein: Agar aap super hero ki filmon ke shaukeen hain to 'Aayaran main 3' aapko kaheen apaset naheen karegi. Barso se in filmon mein buraai par achhaai ki jeet ka sandesh dikhaaya jaata raha hai, yahi is film ki bhi kahaani ka saar hai. Damadaar prajeinteshan, shaanadaar gajab hairatangej stunt, aikshan sequence is film ki jaan hain. Three di ifektas behatareen aur asaradaar hain, aise mein agar aap is film ka poora maja sirf three di varjan mein le paaenge.

Moovi Review Aayaran Main 3, (faulaadi Rakshak- Three Di) https://www.angrejinews.com/pic/6937