Mohanti Party Hit Mein Aatmasamarpan Kar Dein Beejedi

Breaking » Tuesday, March 26, 2013

Bhuvaneshvar. . Dahej utpeedn maamale mein naam aane ke baad Orissa ke poorv mantri raghunaath mohanti ke lagaataar police se bhaagane par sattaaroodh Biju janta dal (beejedi) ne mangalvaar ko kaha ki unhein party hit mein der na karte hue aatmasamarpan kar dena chaahiye. Sachetak pravat tripaathi ne yahaan ek savaal ke javaab mein kaha, ''Sattaaroodh dal ke hit mein mohanti ka aatmasamarpan kar dena behtar hoga. '' unhonne kaha, ''Main chaahoonga ki mohanti aatmasamarpan karein aur tatkaal upayukt adaalat se jamaanat haasil karein. '' unhonne kaha ki mohanti ke paas seemit vikalp hain, vah ya to aatmasamarpan karein ya police ko unhein dhoondhana padega. Tripaathi ne kaha, lekin unki party se kisi ne bhi mohanti par aatmasamarpan ke liye dabaav naheen daala. Ek varishth mantri ne kaha, ''Dahej utpeedn maamala pehle to mohanti ka paarivaarik masala samjha gaya. Lekin ab aisa jaan padta hai ki isse party ki vishvasaneeyata prabhaavit ho rahi hai. Haalaanki mohanti ne mantrimandal se isteefa day diya hai lekin vah sattaaroodh beejedi ke upaadhyaksh bane hue hain. '' poorv mantri ke thikaane ke baare mein na to police ko aur na hi vidhaanasabha ko jaankaari hai. Mohanti ne 15 March ko mantreepad se isteefa diya tha. Ek din pehle unki bahu barsa svoni chaudhari ne unke aur unke parivaar ke khilaaf baaleshvar shahar thaane mein praathamiki darj karaai thi. Mohanti ki patni preetilta mohanti, beti roopaashri, daamaad suveindoo mudhaal aur bete raajaashri par dahej ke liye barsa ka shaareerik evam maanasik utpeedn karne ka aarop lagaaya gaya hai. Raajaashri ko giraftaar kar jail bhej diya gaya lekin mohanti samet chaar anya ka pata naheen chal paaya hai. Shuruaat mein mukhyamantri naveen patanaayak par vishvaas jataane waali barsa ne kaha, ''Un par mera vishvaas khatm hone laga hai. Lekin ab bhi thodi aasha bachi hai ki mukhyamantri mere saath insaaf kareinge. '' unhonne mohanti ki giraftaari mein deri par savaal uthaaya. Barsa ne samvaadadaataaon se kaha, ''Raajaashri ki giraftaari aur jamaanat naamanjoor kiye jaane se mere andar kuchh vishvaas paida huaa. Lekin mere sasuraal ke anya logon ki giraftaari mein deri se mere andar jhunjhalaahat paida ho gayi hai. '' barsa ki June, 2012 mein mohanti ke bete se shaadi hui thi