Modi Visa Ke Liye Aplaai Karein, Fir Dekheinge America

World »

Modi Visa Ke Liye Aplaai Karein, Fir Dekheinge America

Washington. . America ki ek senior officer ne kaha ki America ke veeja ke liye aavedan karne ke maamale mein Gujarat ke mukhyamantri Narendra Modi ka svaagat hai. Saath hi unhonne is baat ki or bhi dhyaan dilaaya ki Obama prashaasan BJP neta ke maamale par gun-dosh ke aadhaar par faisala karega. Videsh vibhaag ki pravakta Victoria nyoolaind ne kaha, 'Ameriki paulisi mein koi badlaav naheen huaa hai. Modi ka aavedan karne ke liye svaagat hai. Sabhi visa nirnaya maamala dar maamala aadhaar par kiye jaate hain aur main yahaan pehle se koi faisala naheen kar sakti. ' ameriki saansadon ke deligeshan ke pichhle hafte Modi ko diye gaye nyote par pratikriya vyakt karte hue Victoria ne kaha ki ameriki neeti mein koi badlaav naheen huaa hai. Unhonne kaha, 'Modi ke sambandh mein hamaare rukh mein koi badlaav naheen huaa hai. Unka aavedan karne ke liye svaagat hai. ' unhonne kaha, 'Pratyek visa par gun-dosh aur vyaktigat roop se ameriki kaanoon ke aadhaar par faisala hota hai. ' unhonne yah baat is savaal ke javaab mein kahi ki kya videsh vibhaag us vyakti ko visa jaari karega jise kisi saansad ya saansadon ke samooh ne use nyota diya ho. Ameriki videsh vibhaag ki pravakta Victoria ne kaha, 'Jahaan tak Gujarat gaye hamaare saansadon ke shishtamandal ki baat hai is tarah ke dauron se Bhaarat mein, Gujarat mein kaarobaariyon ke beech aur logon ke beech sambandh majaboot karne mein madad milti hai. Jahaan tak hamaare najariye ki baat hai jitna adhik saansadon ke shishtamandal Bhaarat ka daura kareinge, usaki jeevatanta aur vividhta ko samjheinge, hamaare beech mahatvapoorn sambandhon ko majabooti dene ki sambhaavana aur badhegi. ' pratinidhi sabha ke Republican sadasya eraan shahok ke aguvaai mein gaye is deligeshan ne 29 March ko Modi se mulaakaat ki thi. Deligeshan ke sadasyon ne Modi ko America aane ka nyota bhi diya tha. Modi ko America ne 2002 ke godhara ke baad hue dangon ke muddon par 2005 se visa dene se vanchit kar rakha hai.

Modi Visa Ke Liye Aplaai Karein, Fir Dekheinge America https://www.angrejinews.com/pic/4556