Modi Se Mulaakaat Ke Liye Paise Liye Gaye Ameriki Pratinidhimandal Se

World »

Modi Se Mulaakaat Ke Liye Paise Liye Gaye Ameriki Pratinidhimandal Se

Chicago . . Gujarat ke mukhyamantri Narendra Modi se ameriki pratinidhimandal ki guruvaar ko hui mulaakaat se utsaahit Modi samarthakon ke liye buri khabar hai. Yah mulaakaat is khabar se vivaad mein pad gayi hai ki ameriki pratinidhimandal ke sadasyon se paise liye gaye the. Haalaanki BJP ne is khabar ko galat bataaya hai. Chicago ke ek akhbaar 'Haai India' ne is baare mein khabar chhaapi hai. Khabar ke mutaabik aayojakon ne pratinidhimandal ki is yaatra ke liye in sadasyon se 3000 se 16000 dollar (kareeb dedh lakh se 8 lakh rupae) tak prati vyakti liye gaye. Khabar mein kaha gaya hai ki aayojakon ne is yaatra ke liye ameriki-bhaarateeya samudaaya ke beech vigyaapan bhi diye the. Yah yaatra praayojit ki gayi thi naishanal Indian American pablik paulisi Institute (enaaaiepeepeeaai) dvaara jiske sansthaapak Chicago ke ek bijnesamain shalabh Kumar hain. Is khabar ke aane ke baad se BJP bachaav ki mudra mein aa gayi hai jabki Congress ne aakraamak rukh akhtiyaar kar liya hai. Congress neta shakeel Ahmad ne kaha ki is khabar se saaf hai ki Modi ameriki visa paane ke liye is kadar bechain hain ki iske liye kuchh bhi karne ko taiyaar hain. Doosari taraf BJP pravakta vijay jolly ne kaha ki is khabar mein koi sachaai naheen hai.

Modi Se Mulaakaat Ke Liye Paise Liye Gaye Ameriki Pratinidhimandal Se https://www.angrejinews.com/pic/3805