Modi Sarkaar Ne Pesh Kiya Naya Aashaavaad Ameriki Companiyaan

Breaking » Wednesday, June 4, 2014

Washington: Bhaarat mein Narendra Modi ke netrutv waali sarkaar ke pehle saptaah ke kaamkaaj se aashaavaad ka naya maahaul paida hua hai haalaanki kisi bade neetigat faisale ya aarthik sudhaar ki ghoshana naheen hui hai. Yeh baat America ke kaurporet kshetr ne kahi. America Bhaarat kaarobaari parishad (yooesaaaibeesi) ke kaaryakaari adhyaksh daayen fairel ne kaha, aashaavaad ka naya maahaul paida hua hai aur ham is rujhaan ke saath hain. Bhaarat ke saath America ke sambandh ko sudhaarane ke liye nae sangathan ke nirmaan ke sambandh mein yooesaaaibeesi ke adhyaksh ka pad se isteefa dene vaale raun somars ne kaha, Bhaarat ki nai sarkaar sakriya hai aur chunaav se jo utsaahan paida hua hai ab use saakaar karna chaahiye. shapath grahan samaaroh mein dakshes ke netaaon ko aamantrit karne ko kootaneeti ki jordaar pahal karaar dete hue somars ne kaha ki beema evam raksha kshetr kholne jaise sudhaar se niveshakon ka utsaah badhega aur nivesh evam praudyogiki aakarshit hogi.