Modi Sarkaar Ki Neetigat Ghoshanaaon Par Rahegi Share Baajaar Ki Nigaah

Breaking »

Modi Sarkaar Ki Neetigat Ghoshanaaon Par Rahegi Share Baajaar Ki Nigaah

Nai Delhi: Loksabha ke chunaavi nateeje aane ke baad chaaloo saptaah share baajaar mein kaarobaar seemit daayare mein rahega aur niveshakon ka dhyaan nai sarkaar ki neetigat ghoshanaaon aur pradhaanamantri Narendra Modi ke mantrimandal ke chayan par hogi. Visheshagyon ne yeh rai vyakt ki hai. aarakeesavi ke sah sansthaapak raghu Kumar ne kaha, baajaar ki majabooti kaarobaariyon ke dimaag mein aakhiri cheej hai. Ham aane vaale saptaahon mein baajaar mein teji ki ummeed kar sakte hain, kyonki baajaar Modi ki aguvaai waali BJP neet sarkaar ke prabhaavon ko ab poori tarah grahan chuka hai. Narendra Modi ne shukravaar ko itihaas likha, jab BJP ko pehli baar apne dam par spasht bahumat praapt hua. BJP ko 543 Loksabha seaton mein se akele 282 seatein mili hain. Religare securities limited ke khudara vitran vibhaag ke adhyaksh jayant maangalik ne kaha ki ab sthir sarkaar ka manch saj gaya hai, jo aakar neetigat faisale tej kar sakti hai, taaki vruddhi ko gati di ja sake. Ham ummeed karte hain ki Sensex kuchh samay tak maujooda star par bana rahega aur abhi tak hue laabh ko aur pukhta karega. Iske alaava baajaar ki nigaah mahatvapoorn mantraalayon ke aavantan par hogi aur nai sarkaar ke July, 2014 mein sambhaavit pehle bajat par hogi.

Modi Sarkaar Ki Neetigat Ghoshanaaon Par Rahegi Share Baajaar Ki Nigaah https://www.angrejinews.com/pic/50883