Modi Par Garam, BJP Par Naram

Breaking »

Modi Par Garam, BJP Par Naram

pramukh samvaadadaata. Nai Delhi. JDU apne do dinon ke raashtreeya adhiveshan ke dauraan sahayogi BJP par poori tarah naram rahi, lekin unke sabse lokapriya netaaon mein ek Narendra Modi par poori tarah aakraamak rahi. Party ke sabhi netaaon ne apratyaksh taur par Modi par nishaana saadha. Adhiveshan ke baad samvaadadaata sammelan mein poochha gaya ki jab itna kuchh kaha ja raha hai to Modi ka naam lene mein harj kya hai? Iske javaab mein party pravakta ke. Si. Tyaagi ne kaha ki kai baatein ishaaron mein hoti hain, jo na samajhe vah anaadi hai. Haalaanki neeteesh Kumar, sharad Yadav sahit sabhi netaaon ne yah bhi sanket diye ki agar BJP se tanaatani badhti hai to party ka Congress ki or jhukane ka koi savaal paida naheen hota. 'Neeteesh ko PM banaao' neeteesh Kumar jab speech day rahe the tab vahaan maujood party netaaon ne 'Neeteesh Kumar ko PM banaao' aur 'BJP se gathabandhan todne' ki maang ki. Haalaanki, PM banaae jaane ki baat sunane par neeteesh ne samarthakon ko manch se hi jhidk diya. Iske alaava, neeteesh ne Modi ke khilaaf jab bhi aparoksh roop se bola, netaaon ne khoob taali bajaai. Naram rahe sharad Yadav sharad Yadav ka raajaneetik ton ravivaar ko thoda naram raha. Unhonne NDA mein BJP ke saath bitaae gaye lambe vakt ko yaad karte hue kaha ki gathabandhan abhi tak bahut achhi samajh ke saath aage badha hai. Haalaanki, unhonne Modi ke baare mein party ki asahaj sthiti ko saaf karte hue kaha ki vichaaradhaara khoon se gahari hoti hai. Unhonne netaaon ko is mudde par bayaanbaaji se bachane ki bhi salaah di. Bihar mein naheen padega asar JDU ne is baat par saavadhaani barati ki Modi par hamle ke kram mein Bihar sarkaar mein gathabandhan par koi asar naheen pade. Is kram mein neeteesh Kumar ne tamaam BJP ke mantriyon aur netaaon ki khoob taareef ki. Unhonne party netaaon ko bharosa dilaane ki koshish ki ki raashtreeya raajaneeti ka asar raajya ki raajaneeti par naheen padne deinge. Insaaf maangane Bihar se pahanuchi goongi ladki JDU ki raashtreeya kaaryakaarini mein us vakt ajeebogareeb haalat paida ho gayi, jab Bihar ke saaran jile se ek maanasik roop se kamjor goongi ladki aur uske parijan insaaf maangane aa gaye. Usane rape hone ki baat kehte hue aarop lagaaya ki police usaki naheen sunati, isliye use yahaan tak aana pada hai. Ladki ko kaarravaai ka bharosa dilaaya gaya, jiske baad maamala shaant ho saka.

Modi Par Garam, BJP Par Naram https://www.angrejinews.com/pic/5544