Modi Par Fida Ameriki Deligeshan, Diya America Aane Ka Nyota

Breaking »

Modi Par Fida Ameriki Deligeshan, Diya America Aane Ka Nyota

Ahmedabad. . Gujarat ke mukhyamantri Narendra Modi ko abhi tak visa dene se bhi hichk raha America Modi ab anaki tarafi dosti ka haath badhaata dikh raha hai. Bhaarat daure par aae ek uchch stareeya ameriki deligeshan ne Gujarat mein Modi ke vikaas model ki jamkar taareef karte hue unhein America aane ka nyota diya hai. Modi ne nyota sveekaar kar liya hai. Charcha hai ki Modi June mein America ke daure par ja sakte hain. Gujarat daure par aae is deligeshan ki ahamiyt isliye jyaada hai ki kyonki ismein udyogapatiyon ke saath ameriki house of riprejeintetiv ke teen pramukhya sadasya bhi shaamil the. America ka yah deligeshan Bhaarat ke logon se mel-jol badhaane ki muhim par hai. Budhvaar ko is deligeshan ne Gandhinagar mein Modi se mulaakaat ki. Deligeshan Modi ke vikaas model par fida najar aaya. Deligeshan mein shaamil ameriki Congress ke sadasya kaithi rojars ne kaha ki Modi ne logon ke jeevan ka kaayaapalat kar diya hai. Unhonne ki ham is baare mein soch rahe hain ki donon milkar aage kis tarah kaam kar sakte hain. Doosare sadasya loohamas ne kaha ki Gujarat rahane ke lihaaj se ek manapasand jagah hai. Udhar, ameriki deligeshan ki taareef se gadagad Modi ne kaha ki vah Gujarat ke vikaas ko ki taareef ke liye unka shukriya ada karte hain. Ameriki deligeshan guruvaar raat Modi ke saath dinr karega. Deligeshan ka BJP adhyaksh Rajnath Singh aur Loksabha mein vipaksh ki neta Sushma Swaraj se bhi milne ka kaaryakram hai. BJP pravakta vijay jauli se deligeshan ke daure par bataaya ki Modi ko America aane ka nyota diya gaya hai. Unhonne kaha ki deligeshan chaahata tha ki Modi jald America jaaen aur Bhaarat, Gujarat aur America ke sambandhon ko majboot karein. Modi ko visa dega America? Sabse bada savaal yah hai ki kya ameriki deligeshan ke nyote ke baad America Modi ko visa dega? Gaurtalab hai ki pichhle hi maheene America ne saaf kiya tha ki jab tak Modi par adaalat ka faisala naheen aata, visa neeti par vichaar naheen kiya jaaega. Ameriki sahaayak videsh mantri Robert black ne kaha tha ki America Modi ko lekar apne visa neeti mein koi badlaav naheen karega. Isse pehle pichhle saal December mein 25 ameriki laumekars bhi America ki videsh mantri Hillary Clinton ko chitthi likhkar Modi ko visa na diye jaane ki appeal kar chuke hain.

Modi Par Fida Ameriki Deligeshan, Diya America Aane Ka Nyota https://www.angrejinews.com/pic/3682