Modi Par Aar Ya Paar Stand Legi JDU

Breaking »

Modi Par Aar Ya Paar Stand Legi JDU

Pramukh samvaadadaata nai Delhi. . Aam chunaav se pehle JDU ka rukh kya rahega aur NDA mein BJP ke saath uske rishte kis or badh rahe hain iska pukhta sanket shanivaar ko mil sakta hai. Party ki raashtreeya committee ki do dini meeting shanivaar se ho rahi hai. Ismein shaamil hone ke liye Bihar ke CM neeteesh Kumar aur party ke maujooda adhyaksh sharad Yadav sahit tamaam padaadhikaari shaamil honge. Haalaanki sootron ke anusaar, is beech BJP ke netaaon ne raajaneetik haalaat par neeteesh aur sharad se baatcheet ki hai. Party sootron ke mutaabik, kai netaaon ne is baat par dabaav banaaya hai ki Narendra Modi ke mudde par ab BJP ko do took sandesh day diya jaae. Party ka aadhikaarik stand is meeting ke baad saaf ho sakega. Sootron ka yah bhi kehna hai ki ismein is tarah ka prastaav aa sakta hai ki jismein BJP se yah saaf kaha jaaega ki chunaav se pehle PM pad ke ummeedavaar ka ailaan ho aur Modi unke pasand naheen honge. Sootron ke anusaar is mudde par poori tarah aakraamak rukh rakha jaaega. Party ke senior netaaon ki maanein to party ke is stand ka raajaneetik laabh bhi milega khaaskar Bihar mein jahaan party satta mein hai. Maaloom ho ki neeteesh Kumar ne pichhle saal pehli baar Modi ka bina naam liye kaha tha ki pradhaanamantri dharmanirpeksh chhavi ka hona chaahiye. Iske baad paroksh tareeke se kai baar bayaanbaaji hui, lekin party ne ab tak is mudde par antim stand naheen liya hai. Vaheen do dinon ki meeting ke dauraan sharad Yadav ka fir se adhyaksh banana tay hai.

Modi Par Aar Ya Paar Stand Legi JDU https://www.angrejinews.com/pic/5365