Modi PM Pad Ke Liye Logon Ki Pehli Pasand Sarve

Breaking »

Modi PM Pad Ke Liye Logon Ki Pehli Pasand Sarve

Nai Delhi . . Gujarat ke mukhyamantri Narendra Modi ko PM pad ke liye BJP ka sabse lokapriya neta kaha jaata hai. Is baat ki pushti ebeepi news - neelasan sarve ne bhi somvaar ko ki. Is sarve mein bhi Modi pradhaanamantri pad ki race mein sabse aage dikhe. Haalaanki bahumat ka samarthan unhein bhi naheen mil paaya. Sarve mein shaamil 36 feesadi logon ne unhein bataur PM apni pehli pasand bataaya. Unke mukaabale doosare number par rahe Rahul Gandhi jinhein 13 feesadi logon ne apni pasand bataaya. Manmohan Singh 12 feesadi logon ki pasand ban kar unke theek peechhe hain. Ebeepi news - neelasan sarve mein logon se poochha gaya tha ki pradhaanamantri ke roop mein unki pehli pasand kaun hoga? Is savaal ke javaab mein agar Modi sabse aage rahe to BJP ki hi Sushma Swaraj sabse peechhe raheen. Unhein 2 feesadi logon ne apni pasand bataaya. Neeteesh Kumar ko bhale kuchh log secular pratyaashi ke taur par aage badhaane ki koshish kar rahe hon, is sarve mein 3 feesadi logon ki pasand ban kar vah kaafi peechhe khade hain. Unase aage mulaayam Singh rahe jinhein 5 feesadi logon ne pasand kiya. Pichhle chunaavon mein PM pad ke liye NDA ke pratyaashi rahe Lal Krishna Advani is sarve mein maatr 6 feesadi logon ki hi pasand ban sake. Soniya Gandhi 8 feesadi aur maayaavati 9 feesadi logon ki pasand ban kar unase aage raheen.

Modi PM Pad Ke Liye Logon Ki Pehli Pasand Sarve https://www.angrejinews.com/pic/9147