Modi PM Honge Ya Naheen, Faisala May Mein Rajnath Singh
Breaking » Wednesday, April 24, 2013
nai Delhi. . Desh ke sabse lokapriya aur vivaadaaspad mukhyamantri Narendra Modi ki PM pad ki daavedaari ko lekar lag rahe kayaason par May yaani agale maheene lagaam lag jaaegi. Aam chunaavon mein BJP ki or se PM pad ke ummeedavaar honge ya naheen, is par agale maheene faisala le liya jaaega. Agale hi maheene Karnataka mein vidhaanasabha chunaav hain. In chunaavon se niptakar BJP ka agala agenda hai PM pad ko lekar apna ummeedavaar tay karna. Isi mein yah bhi saaf ho jaaega ki Narendra Modi party ki or se is pad ke daavedaar honge ya naheen. Party prejideint Rajnath Singh ne saaf kar diya hai ki ab is baare mein aur kintu-parantu ki gunjaaish jald hi khatm ho sakti hai. Modi ko party netaaon ke beech sabse paupyular neta maanane vaale Rajnath Singh ne kaha, 'Karnataka ilekshans ke baad apne saathiyon se baat karoonga aur sansadeeya board ki meeting bulaaunga. 'Vaise yah pehli baar hai jab BJP ne kisi mahatvapoorn aur bahuprateekshit mudde par aar-paar ka nirnaya lene ke liye samay seema hi nirdhaarit kar di ho. Karnataka mein 5 May ko chunaav hone hain jinka result 8 May ko aana hai. Modi ko saampradaayik maanane se inkaar karne ke baavajood Singh ka kehna hai ki prime ministar pad ke liye kaindidet ka chayan board hi karega. Yahaan bata dein ki Gujarat ke mukhyamantri Narendra Modi ko pradhaanamantri pad ka ummeedavaar banaae jaane par pehle hi JDU virodh jata chuka hai. Kuchh roj pehle Modi ke PM pad ki kaindidetaship ko lagbhag nakaarate hue JDU ne BJP se is saal ke ant tak pradhaanamantri pad ka aisa ummeedavaar ghoshit karne ko kaha jiski dharmanirpeksh saakh sandeh se pare ho. Secular PM ke naam ki ghoshana karne ko lekar neeteesh Kumar ne BJP ko December tak ka vakt diya tha. Is hamle se naaraaj BJP ne sakht rukh apnaaya huaa hai. BJP ka kehna hai ki vah jedi(you) ki dhamaki ke aage jhukane waali naheen hai. Is masale par times of India se khaas baatcheet mein unhonne kaha, 'Saampradaayik vyakti ki BJP mein koi jagah naheen hai. Hamaari party sabse dharmanirpeksh hai. ' neeteesh ki dhamaki par Singh ne kaha ki unki koshish unhein NDA mein banaae rakhane ki hogi.