Modi Ne Twitter Par Vibhinn Deshon Ke Netaaon Ka Shukriya Ada Kiya, Lekin America Ka Jikr Naheen

Breaking »

Modi Ne Twitter Par Vibhinn Deshon Ke Netaaon Ka Shukriya Ada Kiya, Lekin America Ka Jikr Naheen

File photo File photo Nai Delhi: Narendra Modi ne apne twitter haindal ke jariye Loksabha chunaav mein apni party ko mili jeet par badhaai dene vaale vibhinn deshon ke netaaon ka shukriya ada kiya hai aur Japan, roos aur Nepal jaise deshon ke saath Bhaarat ke majaboot sambandhon ka vistrut ullekh kiya hai. bhaavi pradhaanamantri ne kal se tweet karke vibhinn raashtraadhyakshon aur anya ganamaanya logon ka aabhaar prakat kiya hai, lekin ab tak unhonne ameriki raashtrapati Barack Obama ya ameriki videsh mantri John keri ka ullekh naheen kiya hai. Obama ne Modi ko phone karke badhaai di thi, jabki keri ne twitter par unhein badhaai di thi. bhaavi pradhaanamantri Narendra Modi ne Japan, roos, Spain, Nepal, Canada aur dakshin Africa ke atirikt sanyukt raashtra mahaasachiv aur dalaai laama ka shukriya ada kiya hai. apne do tweet mein Modi ne likha hai, 'Main raashtrapati putin ka unki shubhakaamana ke liye shukriya ada karta hoon. Aane vaale varshon mein roos ke saath hamaare sambandhon ko aage badhaane ko utsuk hoon. ' unhonne apne tweet mein likha hai, 'Bhaarat aur roos ki dosti lambe samay se kaafi achhi rahi hai. Ham vyaapak kshetron mein apne sambandhon ko aur pragaadh banaaenge. ' Gujarat ke mukhyamantri ne apne do tweet mein Japan ka bhi ullekh kiya. Unamein se ek mein unhonne poorvi Asiaee paavarahaaus ke saath kaam karne ke apne anubhav ko bayaan kiya hai. Unhonne likha, 'Vyaktigat roop se, mera mukhyamantri ke taur par Japan ke saath kaam karne ka shaanadaar anubhav hai. Main aashvast hoon ki ham Bhaarat-Japan sambandhon ko nayi unchaai par le jaaenge. '

Modi Ne Twitter Par Vibhinn Deshon Ke Netaaon Ka Shukriya Ada Kiya, Lekin America Ka Jikr Naheen https://www.angrejinews.com/pic/51041