Modi Ne Paas Karavaaya Naya Lokaayukt Bill

Breaking »

Modi Ne Paas Karavaaya Naya Lokaayukt Bill

Ahmedabad. . Lokaayukt ki niyukti ke mudde par Supreme court mein haar ka saamana kar chuki Gujarat sarkaar ne mangalvaar ko vidhaanasabha mein naya lokaayukt vidheyak pesh kiya jise vidhaanasabha ne paas kar diya. Iske tahat lokaayukt ki niyukti mein raajyapaal ki koi bhoomika naheen rah jaaegi. Vidhyek mein lokaayukt ke alaava 4 up lokaayukton ka praavadhaan hai. Inke chayan ke liye ek committee hogi, jiski adhyakshata Gujarat ke mukhyamantri kareinge. Vipakshi party Congress ka kehna tha ki vah kisi bhi haalat mein ise paas naheen hone degi. Magar, pehle vidhaanasabha speaker ne Congress ke virodh ko khaarij kar diya aur fir Congress vidhaayakon ke vaukaaaut ke baad sadan ne ise paas bhi kar diya. Raajyapaal ke hastaakshar ke baad yah kaanoon ban jaaega. Gujarat ke mukhyamantri Narendra Modi teesari baar Gujarat ki gaddi sambhaalne ke baad vidhaanasabha se aisa vidheyak paas karaane ki koshish mein the, jisse lokaayukt ki niyukti mein raajyapaal ki bhoomika khatm ho jaae. Yah aisa hi bill hai. Nae bill mein raajyapaal ki vivekaadheen shaktiyon ko khatm kar diya gaya hai. Nae vidheyak ke mutaabik lokaayukt ki niyukti ek chayan samiti ki sifaarishon ke aadhaar par hogi. Is samiti ke adhyaksh mukhyamantri honge. Vaheen vidhaanasabha adhyaksh, vipaksh ke neta ya fir adhyaksh ki or se naamit koi vipakshi vidhaayak, ek High Court judge aur vijileins commissioner sadasya honge. Ab tak lokaayukt ke chayan mein raajyapaal, mukhyamantri, neta vipaksh aur haai court ke cheef Justice ki bhoomika hoti thi. Raajyapaal ekamat ki sthiti naheen hone par apni vivekaadheen shaktiyon ka istemaal bhi kar sakte the. Gujarat mein 2003 se lekar 2011 tak lokaayukt ka pad khaali raha tha. 8 saal baad raajyapaal kamala beneevaal ne retired Justice aar. A. Mehta ko Gujarat ka lokaayukt banaaya tha. Modi isse khaase naaraaj rahe. Unhonne haai court se lekar Supreme court tak raajyapaal ke faisale ko chunauti di. Har jagah kaha ki lokaayukt ki niyukti mein unki rai naheen li gayi. January 2013 mein Supreme court ne Justice Mehta ki niyukti aur raajyapaal ke faisale ko sahi thaharaaya tha. Haalaanki, siyaasi vivaad ke chalte Justice Mehta abhi tak Gujarat ke lokaayukt ka kaamkaaj sanbhaal naheen paae hain.

Modi Ne Paas Karavaaya Naya Lokaayukt Bill https://www.angrejinews.com/pic/4205