Modi Ne BJP Ko Diya Social Media Ka 'Mantra

Breaking »

Modi Ne BJP Ko Diya Social Media Ka 'Mantra

Nai Delhi. . BJP ne Loksabha chunaavon ke liye party ko poori tarah taiyaar bataate hue UPA sarkaar par hamle aur tej karne ka ailaan kiya hai. 27 May se iske liye 'Jail bharo' aandolan shuroo kiya jaaega. Somvaar ko Delhi mein BJP sansadeeya board ki baithak mein isko lekar rananeeti banaai gayi. Modi ne diya social media ka 'Mantra' Gujarat ke mukhyamantri Narendra Modi ki maujoodagi ke kaaran BJP ki is baithak par sabhi ki najarein theen. Bataaya jaata hai ki baithak mein Modi ne UPA sarkaar ki naakaamiyon ko saamane laane ke liye social media ka 'Mantra' diya hai. Baithak ke baad party pravakta anant Kumar ne bhi kaha ki party social media ke jariye sarkaar par vaar aur chunaav prachaar ko dhaar degi. Gaurtalab hai ki Congress social media mein apni maujoodagi badhaane ke liye poora jor laga rahi hai. BJP isse bechain hai aur vah social media par apni pakad aur majaboot karna chaahati hai. Sansadeeya board ki baithak ke baad press conference karte hue party pravakta anant Kumar ne kaha ki baithak mein Loksabha chunaavon par charcha naheen hui. Baithak mein UPA sarkaar ke 9 saal poore hone par usaki naakaamiyon ko janta ke saamane le jaane ki rananeeti banaai gayi. Unhonne UPA sarkaar ke kaaryakaal ko kushaasan bataaya. Unhonne kaha ki Budhvaar ko raajya sabha mein vipaksh ke neta arun jetali aur lok sabha mein neta vipaksh Sushma Swaraj press conference kareinge. Anant Kumar ne kaha ki aagaami Loksabha chunaavon par charcha ke liye 7 June ko Goa mein raashtreeya padaadhikaariyon ki baithak hogi. BJP mein PM pad ko lekar poochhe gaye savaal ko vah taal gaye. Unhonne kaha ki iska faisala sahi vakt par kiya jaaega. Advani aur Rajnath se mile Modi BJP sansadeeya board ki baithak ke baad Gujarat ke mukhyamantri Narendra Modi party adhyaksh Rajnath Singh se mulaakaat ke liye unke ghar ravaana ho gaye. Isse pehle Modi ne party ke senior leedar Lal Krishna Advani aur nitin gadkari se bhi mulaakaat ki. Unhonne tweet kar bataaya ki Advani ke saath unki 40 minute tak chali baithak vandaraful rahi.

Modi Ne BJP Ko Diya Social Media Ka 'Mantra https://www.angrejinews.com/pic/9239