Modi Ke Shapathagrahan Mein Aaenge Big Bi, Rajni Aur Salman

Movies »

Modi Ke Shapathagrahan Mein Aaenge Big Bi, Rajni Aur Salman

26 May ko raashtrapati bhavan mein Narendra Modi ke pradhaanamantri ki shapath lene ke dauraan samaaroh mein Amitabh Bachchan, Rajnikant, Salman Khan aur lata mangeshakar jaise filmi sitaare shaamil ho sakte hain. Aane waali 26 taareekh ko rajdhani mein sitaaron ka jamaavada lag sakta hain. Gaurtalab hai ki is din Narendra Modi Bhaarat ke pradhaanamantri pad ki shapath leinge. Jaankaaron ki agar maanein, to raashtrapati bhavan mein hone vaale shapath grahan samaaroh mein Amitabh Bachchan, Rajnikant, Salman Khan aur lata mangeshakar jaise filmi sitaare shaamil ho sakte hain. BJP se jude sootron ke mutaabik in sabhi sitaaron ko shapath grahan samaaroh ka inaviteshan bheja gaya hai. Bata dein ki in sabhi sitaaron ki ginti Modi ke kareebiyon mein hoti hai. Amitabh Bachchan jahaan Gujarat toorijmake liye aid kar chuke hain. Vaheen, lata mangeshakar kai baar khule manchon se Modi ko pradhaanamantri banane ki shubhakaamanaaen de chuki hain. Rajnikant ne chunaav ke dauraan Modi se chennai mein mulaakaat ki thi. Jabki Salman Khan to apni film jaya ho ki release se pehle Gujarat mein kaait flaaing festival mein hissa lekar logon ke nishaane par aa chuke hain. Us vakt kaha yeh gaya tha ki Salman ke is andaaj se naaraaj hokar unke tamaam fains ne jaya ho film naheen dekhi, jis vajah se film ne jyaada kamaai naheen ki. Vaise na sirf Salman balki unke pita aur jaane- maane script writer saleem Khan bhi Modi ke khaase fan hain. Unhonne na sirf Modi ki urdoo website launch ki thi, balki musalmaanon se Modi ko maaf karke aage bhavishya ki or dekhne ke liye kaha tha. Haalaanki vivek Oberoi ko bhi BJP ke kareebi sitaaron mein maana jaata hai, aise mein vah bhi shapath grahan samaaroh ka hissa ho sakte hain. Jaankaaron ki agar maanein, to 26 May ki shaam ko raashtrapati bhavan mein aayojit kiye ja rahe shapath grahan samaaroh mein sadaabahaar rekha bhi shirkat kareingi, jinhein pichhle dinon Rajyasabha saansad manoneet kiya gaya tha. Jabki BJP ke tikt par chunaav jeetne vaale paresh raaval, Hema maalini, kiran kher, shatrughn sinha, vinod khanna, manoj tivaari aur baabul supriyo jaise sitaare bhi bataur saansad is shapath grahan samaaroh mein najar aaenge. Vaheen BJP neta aur TV aiktres smruti Irani bhi Rajyasabha saansad ke taur par samaaroh mein shirkat kareingi.

Modi Ke Shapathagrahan Mein Aaenge Big Bi, Rajni Aur Salman https://www.angrejinews.com/pic/51609