Modi Ke Liye Bhootaan Mein Baji Taali

Breaking »

Modi Ke Liye Bhootaan Mein Baji Taali

File photo File photo Thinpoo: bhootaan ke log badhaai sanket ke roop mein taaliyaan naheen bajaate. Unka maanana hai ki taaliyaan keval buri aatmaaon ko door bhagaane ke liye bajaai jaati hain. Lekin somvaar ko unhonne Modi dvaara bhootaan ke sansad mein sanyukt adhiveshan ke sambodhan ke dauraan ek apavaad pesh kiya. Modi ke hindi mein diye gaye dhaaraapravaah bhaashan ko dubhaashiye ki madad se bhootaani saansad samet pradhaanamantri tshering tobage aur anya ganamaanya log bade dhyaan se sun rahe the. Jaise hi unka bhaashan khatm hua achaanak taaliyon ki gadgadaahat goonj uthi. taaliyon ki shuruaat raashtreeya sabha ke nichle sadan ke ek kone se hui, jo jald hi VVIP chamber se hote hue darshak deergha tak fail gayi, jahaan dher saare bhaarateeya aur bhootaani patrakaar aur pratibhaavaan chhaatr baithe hue the. choonki taaliyon ki gadgadaahat sabha ke sabhi kone mein goonj rahi thi, isliye kuchh deshavaasi asahaj hokar bhi muskura rahe the. isse pehle ravivaar ko media ko ek paraamarsh jaari kiya gaya tha, jismein vahaan ki pratha ki charcha ki gayi thi. Jiske anusaar 'Modi ke do divseeya daure ke maddenajar pradhaanamantri dvaara bhootaani sansad mein sanyukt adhiveshan ke sambodhan ke dauraan taali naheen bajaai jaaegi. Kyonki bhootaan ki dhaarmik maanyataaon ke anusaar, taali keval buri aatmaaon ko door rakhane ke liye bajaai jaati hai. '

Modi Ke Liye Bhootaan Mein Baji Taali https://www.angrejinews.com/pic/54104